News April 22, 2025
తూ.గో: గురుకుల ప్రవేశ పరీక్ష హాల్ టికెట్లు విడుదల
మహాత్మ జ్యోతిబా ఫూలే ఆంధ్రప్రదేశ్ వెనుకబడిన తరగతుల సంక్షేమ గురుకులాల్లో 5వ తరగతి ప్రవేశానికి సంబంధించి ప్రవేశపరీక్ష హాల్ టికెట్లను నేటి నుంచి https://mjpapbcwreis.apcfss.in వెబ్సైట్ నుంచి డౌన్లోడ్ చేసుకోవచ్చని అధికారులు తెలిపారు. ఉమ్మడి తూ.గో జిల్లాలోని అమలాపురం, రాజమండ్రి, తుని, పెద్దాపురం పట్టణాల్లోని ఈ గురుకుల పాఠశాల్లో ఈ నెల 27న ఉదయం 10 నుంచి మధ్యాహ్నం 12 గంటల మధ్య ప్రవేశ పరీక్ష జరగనుంది.
Similar News
News January 12, 2026
అనిల్ రావిపూడి రికార్డ్.. రాజమౌళి తర్వాత
డైరెక్టర్ అనిల్ రావిపూడి-చిరంజీవి కాంబోలో వచ్చిన ‘మన శంకరవరప్రసాద్ గారు’ చిత్రం <<18832382>>పాజిటివ్<<>> టాక్ సొంతం చేసుకుంది. దీంతో ఈ యంగ్ డైరెక్టర్ టాలీవుడ్లో రాజమౌళి తర్వాత మోస్ట్ సక్సెస్ఫుల్ దర్శకుడిగా నిలిచారు. ‘పటాస్(2015)’ నుంచి ఇవాళ రిలీజైన ‘MSVPG’ వరకు మొత్తం 9 సినిమాల్లోనూ హిట్ కొట్టిన దర్శకుడిగా పేరొందారు. నాగార్జునతోనూ మూవీ చేస్తే నలుగురు సీనియర్ హీరోలతో పని చేసిన యువ దర్శకుడిగా మరో ఘనత సాధిస్తారు.
News January 12, 2026
తూ.గో: అన్నను రోకలిబండతో కొట్టి చంపిన తమ్ముడు
కుటుంబ కలహాలు నిండు ప్రాణాన్ని బలితీసుకున్నాయి. నిడదవోలు(M) అట్లపాడులో బండి కోట సత్యనారాయణ(28) అనే యువకుడు తన తమ్ముడు సాయిరాం చేతిలో దారుణ హత్యకు గురయ్యాడు. సోమవారం జరిగిన ఈ ఘటనలో సాయిరాం రోకలిబండతో అన్న తలపై బలంగా కొట్టడంతో సత్యనారాయణ అక్కడికక్కడే మృతి చెందాడు. మృతుడికి తల్లి దుర్గ భవాని ఉన్నారు. సమిశ్రగూడెం పోలీసు స్టేషన్ పరిధిలో జరిగిన ఈ ఘటనపై ఇప్పటివరకు ఎలాంటి ఫిర్యాదు అందలేదని సమాచారం.
News January 12, 2026
పల్నాడు: తిరుణాళ్లలో విషాదం.. నిద్రలో ఉన్న వ్యక్తిపై నుంచి వెళ్లిన వాహనం!
దుర్గి (M) ధర్మవరం తాతయ్య తిరుణాల వేడుకల్లో ఘోర ప్రమాదం జరిగింది. వేడుకల్లో భాగంగా ఏర్పాటు చేసిన పాటకచేరిని చూసేందుకు ప్రకాశం (D) కుమ్మరపల్లి నుంచి వచ్చిన బ్రహ్మయ్య (45), కార్యక్రమం అనంతరం అక్కడే నిద్రిస్తుండగా గుర్తుతెలియని వాహనం అతడిపై నుంచి దూసుకెళ్లింది. తీవ్ర గాయాలైన బ్రహ్మయ్యను ఆస్పత్రికి తరలించగా చికిత్స పొందుతూ మృతి చెందారు. పోలీసులు హిట్ అండ్ రన్ కేసు నమోదు చేసి దర్యాప్తు చేస్తున్నారు.