News April 24, 2025

29 పాఠశాలల్లో 100% ఉత్తీర్ణత: మంత్రి సవిత

పదో తరగతి పరీక్ష ఫలితాల్లో రాష్ట్రంలోని మహాత్మా గాంధీ జ్యోతిరావు ఫూలే పాఠశాలలకు చెందిన విద్యార్థులు సత్తా చాటారని మంత్రి సవిత పేర్కొన్నారు. రాష్ట్రంలోని 29 పాఠశాలల్లో 100% ఉత్తీర్ణత నమోదైందని తెలిపారు. ఇటీవల విడుదలైన ఇంటర్ ఫలితాల్లోనూ ఇదే జోరు కొనసాగించారన్నారు. రాష్ట్ర స్థాయి సగటు ఫలితాలు 81.14% నమోదు కాగా ఎంజేపీ పాఠశాలల విద్యార్థులు 95 శాతం ఉత్తీర్ణత సాధించారన్నారు.