News April 25, 2025

పెద్దపల్లి: 28న యువ వికాసం దరఖాస్తుల పరిశీలన: కమిషనర్

పెద్దపల్లి జిల్లా కేంద్రంలోని పురపాలక సంఘం కార్యాలయంలో ఈ నెల 28వ తేదీన రాజీవ్ యువ వికాసం పథకం దరఖాస్తుల పరిశీలన చేపట్టనున్నట్లు మున్సిపల్ కమిషనర్ ఆకుల వెంకటేష్ తెలిపారు. పరిశీలన అనంతరం అర్హుల జాబితాను ప్రకటిస్తామని వెల్లడించారు. ఈ పథకానికి జిల్లా వ్యాప్తంగా ఇప్పటివరకు 40 వేలకు పైగా దరఖాస్తులు అందాయని తెలిపారు. అర్హత ప్రమాణాల ఆధారంగా దరఖాస్తులను సక్రమంగా పరిశీలిస్తామని కమిషనర్ స్పష్టం చేశారు.