News April 27, 2025
క్రెడిట్ కార్డ్ స్కామ్ ఇలా జరగవచ్చు: అన్నమయ్య ఎస్పీ
మీ క్రెడిట్ కార్డ్ పరిమితిని పెంచడానికి మీకు ఫోన్ కాల్, SMS వస్తే, అది సైబర్ మోసగాళ్ల పని అని. వారి పట్ల జాగ్రత్తగా ఉండాలని అన్నమయ్య జిల్లా ఎస్పీ విద్యాసాగర్ నాయుడు సూచించారు. బ్యాంక్ ఉద్యోగిగా నటిస్తూ మాట్లాడి.. నమ్మించి CVV, OТР ఇతర వివరాలు తెలుసుకొని, మీ క్రెడిట్ కార్డ్ డేటా పొంది మీ కార్డులో ఉన్న లిమిట్ను ఖాళీ చేస్తారని చెప్పారు. మోసపోయిన వారు www.cybercrime.gov.in కు ఫిర్యాదు చేయాలన్నారు.
Similar News
News March 14, 2026
ప్రశాంతంగా ‘పది’ పరీక్షలు: ఎస్పీ గీతే
సిరిసిల్ల జిల్లాలో పదో తరగతి పరీక్షలు ప్రశాంతంగా జరుగుతున్నాయని ఎస్పీ మహేశ్ బి.గీతే తెలిపారు. శనివారం సిరిసిల్లలోని పలు కేంద్రాలను ఆయన తనిఖీ చేశారు. కేంద్రాల వద్ద 144 సెక్షన్ అమలులో ఉందన్నారు. విద్యార్థులకు ఇబ్బంది కలగకుండా అన్ని వసతులు కల్పించాలని అధికారులను ఆదేశించారు. నిబంధనలు ఉల్లంఘిస్తే కఠిన చర్యలు తప్పవని హెచ్చరించారు.
News March 14, 2026
నెల్లూరు జిల్లాలో పెరిగిన నూనె ధరలు
యుద్ధ ప్రభావం సామాన్య, మధ్య తరగతి కుటుంబాలపై చూపుతోంది. ఇప్పటికే గ్యాస్ కష్టాలు ఎదుర్కొంటున్న ప్రజలకు వంట నూనె ధరలు కలవరపెడుతున్నాయి. పామాయిల్, సన్ ఫ్లవర్ నూనెలు కిలోకు రూ.10 నుంచి 15 రూపాయల మేర పెరిగాయి. నెల్లూరు జిల్లాలో రోజుకు సుమారు 4 లక్షల లీటర్లకు పైగా వంట నూనెల వినియోగం జరుగుతోంది. దేశంలో వంట నూనెలు 60 శాతం దిగుమతులపైనే ఆధారపడటంతో ఈ పరిస్థితి నెలకొన్నట్లు వ్యాపారులు చెబుతున్నారు.
News March 14, 2026
WGL: వారి కోసం పోలీసుల వేట!
గంజాయి స్మగ్లర్ల కోసం పోలీసులు ప్రత్యేక టీంలను ఏర్పాటు చేశారు. WGL కమిషనరేట్లో 242 మంది NDPS నిందితులుగా ఉన్నారు. వారి కోసం 3 జోన్ల పరిధిలోని CIల ఆధ్వర్యంలో ప్రత్యేక టీంలను ఏర్పాటు చేసి రంగంలోకి దించారు. ఎల్కతుర్తి, గీసుగొండతో పాటు టాస్క్ఫోర్సు నుంచి CI, SIలను టీంలుగా ఏర్పాటు చేశారు. ఇప్పటి వరకు 15 మంది నిందితులను పట్టుకోగా, మిగిలిన వారిని పట్టుకునేందుకు ఇతర రాష్ట్రాల్లో CIలు నిమగ్నమై ఉన్నారు.