News April 27, 2025
క్రెడిట్ కార్డ్ స్కామ్ ఇలా జరగవచ్చు: అన్నమయ్య ఎస్పీ
మీ క్రెడిట్ కార్డ్ పరిమితిని పెంచడానికి మీకు ఫోన్ కాల్, SMS వస్తే, అది సైబర్ మోసగాళ్ల పని అని. వారి పట్ల జాగ్రత్తగా ఉండాలని అన్నమయ్య జిల్లా ఎస్పీ విద్యాసాగర్ నాయుడు సూచించారు. బ్యాంక్ ఉద్యోగిగా నటిస్తూ మాట్లాడి.. నమ్మించి CVV, OТР ఇతర వివరాలు తెలుసుకొని, మీ క్రెడిట్ కార్డ్ డేటా పొంది మీ కార్డులో ఉన్న లిమిట్ను ఖాళీ చేస్తారని చెప్పారు. మోసపోయిన వారు www.cybercrime.gov.in కు ఫిర్యాదు చేయాలన్నారు.
Similar News
News March 25, 2026
జగిత్యాల: జాతీయ స్థాయిలో RSI రమేశ్ సత్తా
జమ్మూకశ్మీర్ పోలీస్ ఆధ్వర్యంలో జరిగిన ఆల్ ఇండియా పోలీస్ స్పోర్ట్స్(ఖోఖో) పోటీల్లో తెలంగాణ పోలీస్ తరఫున జగిత్యాల రిజర్వ్ సబ్ ఇన్స్పెక్టర్ రమేశ్ పాల్గొన్నారు. ఈ పోటీల్లో ఆయన కాంస్య పతకం సాధించారు. ఈ సందర్భంగా జిల్లా ఎస్పీ అశోక్ కుమార్ రమేశ్ను అభినందించి శుభాకాంక్షలు తెలిపారు. జాతీయ స్థాయిలో విజయాన్ని సాధించడం గర్వకారణమని పేర్కొంటూ, భవిష్యత్తులో మరిన్ని విజయాలు సాధించాలని ఆకాంక్షించారు.
News March 25, 2026
పెట్రోల్ ధరలు పెరగవు: కేంద్రం
దేశంలో తగినంత మేర ఇంధన నిల్వలు ఉన్నాయని కేంద్రం తెలిపింది. పెట్రోల్, డీజిల్ ధరలు పెరగవని పెట్రోలియం శాఖ జాయింట్ సెక్రటరీ సుజాత శర్మ స్పష్టంచేశారు. రూమర్లను నమ్మి ప్రజలు పానిక్ బయింగ్ చేయొద్దని కోరారు. మరోవైపు పైప్డ్ నేచురల్ గ్యాస్(PNG) కనెక్షన్లకు అవకాశం ఉన్నా వినియోగించుకోని వారికి LPG కనెక్షన్లను కట్ చేయాలని కేంద్రం నిర్ణయించింది. 3 నెలల్లోగా PNGకి మారకపోతే LPG సరఫరా ఆపేస్తామని చెప్పింది.
News March 25, 2026
NTR: సైన్స్-1 పరీక్షకు 277 మంది విద్యార్థులు గైర్హాజరు
జిల్లా వ్యాప్తంగా బుధవారం నిర్వహించిన సైన్స్ పేపర్-1 పరీక్షకు 27,741 మంది విద్యార్థులకు గానూ 27,464 మంది విద్యార్థులు హాజరయ్యారని NTR DEO చంద్రకళ తెలిపారు. 277 మంది విద్యార్థులు గైర్ హాజరైనట్లు పేర్కొన్నారు. మొత్తంగా 99.1 శాతం మంది విద్యార్థులు పరీక్షకు హాజరయ్యారన్నారు. ఓపెన్ స్కూల్ సొసైటీ విద్యార్థులు 640 మందికి గానూ 504 మంది విద్యార్థులు హాజరయ్యారన్నారు.