News April 28, 2025
క్రెడిట్ కార్డ్ స్కామ్ ఇలా జరగవచ్చు: అన్నమయ్య ఎస్పీ
మీ క్రెడిట్ కార్డ్ పరిమితిని పెంచడానికి మీకు ఫోన్ కాల్, SMS వస్తే, అది సైబర్ మోసగాళ్ల పని అని. వారి పట్ల జాగ్రత్తగా ఉండాలని అన్నమయ్య జిల్లా ఎస్పీ విద్యాసాగర్ నాయుడు సూచించారు. బ్యాంక్ ఉద్యోగిగా నటిస్తూ మాట్లాడి.. నమ్మించి CVV, OТР ఇతర వివరాలు తెలుసుకొని, మీ క్రెడిట్ కార్డ్ డేటా పొంది మీ కార్డులో ఉన్న లిమిట్ను ఖాళీ చేస్తారని చెప్పారు. మోసపోయిన వారు www.cybercrime.gov.in కు ఫిర్యాదు చేయాలన్నారు.
Similar News
News March 24, 2026
‘మన ఇసుక’ యాప్ ద్వారానే అనుమతులు: కలెక్టర్ అభిలాష అభినవ్
నిర్మల్ జిల్లాలో ‘మన ఇసుక’ వాహనం యాప్ ద్వారానే ఇసుక అమ్మకాల అనుమతులు ఇవ్వాలని కలెక్టర్ అభిలాష అభినవ్ అధికారులను ఆదేశించారు. మంగళవారం రాత్రి కలెక్టరేట్లో రెవెన్యూ అంశాలపై నిర్వహించిన సమీక్షలో ఆమె మాట్లాడారు. ఆన్లైన్ విధానంలో కూపన్లు జారీ చేయడం వల్ల ఇసుక విక్రయాల్లో పారదర్శకత పెరుగుతుందని పేర్కొన్నారు. తహశీల్దార్లందరూ ఈ యాప్పై పూర్తి అవగాహన కలిగి ఉండాలని సూచించారు.
News March 24, 2026
NGKL: ఏప్రిల్ 1 నుంచి 3 వరకు సలేశ్వరం జాతర!
వచ్చే నెల ఏప్రిల్ 1 నుంచి 3 వరకు నిర్వహించనున్న సలేశ్వరం జాతరకు పకడ్బందీ ఏర్పాట్లు చేయాలని కలెక్టర్ బాదావత్ సంతోష్ అధికారులను ఆదేశించారు. మంగళవారం కలెక్టరేట్లో ఎస్పీ సంగ్రామ్ సింగ్ జీ పాటిల్, డీఎఫ్ఓ రేవంత్ చంద్రలతో కలిసి జాతర ఏర్పాట్లపై సమీక్ష నిర్వహించారు. భక్తులకు ఎటువంటి ఇబ్బందులు కలగకుండా తాగునీరు, రవాణా, భద్రతా సౌకర్యాలు కల్పించాలని ఆలయ కమిటీకి సూచించారు.
News March 24, 2026
ప్రతిభ కనబరిచిన పోలీసులను అభినందించిన SP
పుట్టపర్తి జిల్లా పోలీస్ కార్యాలయంలో మంగళవారం జిల్లా ఎస్పీ సతీశ్ కుమార్ జిల్లాలో విధులు నిర్వహిస్తూ ప్రతిభ కనబరిచిన పోలీసులను ప్రశంసా పత్రాలు, నగదు బహుమతులు అందించి ప్రోత్సహించారు. బాధితులకు న్యాయం జరిగినప్పుడే పోలీసు వ్యవస్థపై నమ్మకం పెరుగుతుందని.. ఆ దిశగా ప్రతి ఒక్కరూ విధులు నిర్వహించాలని ఎస్పీ తెలిపారు. జిల్లాలోని పోలీసులు బాధ్యతగా విధులు నిర్వహించి అందరి మెప్పు పొందాలని సూచించారు.