News April 28, 2025
క్రెడిట్ కార్డ్ స్కామ్ ఇలా జరగవచ్చు: అన్నమయ్య ఎస్పీ
మీ క్రెడిట్ కార్డ్ పరిమితిని పెంచడానికి మీకు ఫోన్ కాల్, SMS వస్తే, అది సైబర్ మోసగాళ్ల పని అని. వారి పట్ల జాగ్రత్తగా ఉండాలని అన్నమయ్య జిల్లా ఎస్పీ విద్యాసాగర్ నాయుడు సూచించారు. బ్యాంక్ ఉద్యోగిగా నటిస్తూ మాట్లాడి.. నమ్మించి CVV, OТР ఇతర వివరాలు తెలుసుకొని, మీ క్రెడిట్ కార్డ్ డేటా పొంది మీ కార్డులో ఉన్న లిమిట్ను ఖాళీ చేస్తారని చెప్పారు. మోసపోయిన వారు www.cybercrime.gov.in కు ఫిర్యాదు చేయాలన్నారు.
Similar News
News April 1, 2026
FLASH: ‘GHMC’ ఖజానా ఫుల్ ‘ఖుష్’
నగరవాసులు పన్నుల చెల్లింపులో జోరు పెంచారు! గత ఆర్థిక సంవత్సరంలో GHMC పరిధిలో రూ.2,038 కోట్ల ఆస్తి పన్ను వసూలు కాగా, ఈసారి ఆ నంబర్ అమాంతం పెరిగింది. ఈ ఏడాది GHMCతో పాటు MMC, CMC కార్పొరేషన్లు కలిపి ఏకంగా రూ.2,556 కోట్లను వసూలు చేసి రికార్డు సృష్టించాయి. ముందస్తు పన్ను చెల్లింపు రాయితీలు, కఠిన నిబంధనలే ఈ భారీ వసూళ్లకు కారణమని కమిషనర్ చెబుతున్నారు. అభివృద్ధి కోసం జనం స్వచ్ఛందంగా కదులుతుండటం విశేషం!
News April 1, 2026
‘హార్ముజ్’ ఓపెన్ చేయాల్సిందే.. యుద్ధంలోకి యూఏఈ, సౌదీ!
ఇరాన్పై యుద్ధంలో పాల్గొనేందుకు UAE, సౌదీ నిర్ణయించుకున్నట్లు వాల్స్ట్రీట్ జర్నల్ వెల్లడించింది. హార్ముజ్ జలసంధిని మూసేయడంతో ఆ 2 దేశాలు తీవ్రంగా నష్టపోయాయి. దీంతో దాన్ని ఓపెన్ చేసేలా అమెరికాతో చేతులు కలిపేందుకు UAE ఓకే చెప్పినట్లు రాసుకొచ్చింది. ఇరాన్పై దాడులకు మద్దతు కోసం ప్రపంచదేశాలతో రహస్యంగా చర్చించినట్లు పేర్కొంది. తమ వైమానిక స్థావరాలను US వాడుకొనేందుకు సౌదీ అంగీకరించినట్లు తెలిపింది.
News April 1, 2026
HYD: ‘సమ్మర్ హాలిడేస్’ వచ్చేశాయ్!
TG ప్రభుత్వం 2026 విద్యాసంవత్సరానికి సంబంధించిన వేసవి సెలవుల షెడ్యూల్ను అధికారికంగా ప్రకటించింది. రాష్ట్రంలోని అన్ని ప్రభుత్వ, ప్రైవేట్ పాఠశాలలకు ఏప్రిల్ 24 నుంచి జూన్ 11 వరకు వేసవి సెలవులు ఇవ్వనున్నట్లు సెక్రటేరియట్ తెలిపింది. వేసవి తీవ్రతను దృష్టిలో ఉంచుకుని విద్యార్థుల ఆరోగ్యం, భద్రత కోసం ఈ నిర్ణయం తీసుకున్నట్లు అధికారులు పేర్కొన్నారు. సెలవుల్లో పిల్లలపై ఓ కన్ను వేసి ఉంచాలని సూచించారు.