News May 7, 2025
స్నేహితులకు పార్టీ ఇవ్వడం కోసం చైన్ స్నాచింగ్.. జైలుపాలు
స్నేహితులకు పార్టీ ఇవ్వాలని దొంగతనానికి పాల్పడ్డ ఓ విద్యార్థి జైలు పాలయ్యాడు. భీమవరానికి చెందిన జి.వాసవి గురువారం ఇంటికి వస్తుండగా అలెగ్జాండర్ సూర్యపాల్ ఆమె మెడలో సూత్రాల తాడు లాక్కుని పారిపోతుండగా స్థానికులు పట్టుకుని పోలీసులకు అప్పగించారు. ఇంటర్ పాసైన సందర్భంగా ఫ్రెండ్స్కి పార్టీ ఇచ్చేందుకు డబ్బు కోసం దొంగతనానికి పాల్పడినట్లు సూర్యపాల్ కోర్టులో చెప్పాడు. నిందితుడికి కోర్టు రిమాండ్ విధించింది.
Similar News
News March 22, 2026
పశ్చిమ గోదావరికి రెడ్ అలర్ట్
ఉమ్మడి పశ్చిమ గోదావరి జిల్లాకు వాతావరణ శాఖ ఆదివారం రెడ్ అలర్ట్ ప్రకటించింది. ఉరుములు, మెరుపులతో కూడిన భారీ వర్షాలు కురిసే అవకాశం ఉందని హెచ్చరించింది. గంటకు 50 నుంచి 60 కి.మీ. వేగంతో ఈదురుగాలులు వీస్తాయని పేర్కొంది. ప్రజలు అప్రమత్తంగా ఉండాలని అధికారులు సూచించారు. వర్షాల ఉద్ధృతి పెరిగే అవకాశం ఉన్నందున లోతట్టు ప్రాంతాల ప్రజలు జాగ్రత్తగా ఉండాలని వాతావరణ శాఖ వెల్లడించింది.
News March 22, 2026
పశ్చిమ గోదావరి ప్రజలకు గుడ్ న్యూస్
కలెక్టర్ చదలవాడ నాగరాణి చొరవతో పశ్చిమ గోదావరి జిల్లాలో రూ.1.30 కోట్లతో “మీ ఇంటికి – మీ డాక్టర్” సేవలు ప్రారంభం కానున్నాయి. సోమవారం నాడు నరసాపురం మండలంలోని 18 గ్రామాల్లో ఈ మొబైల్ మెడికల్ సర్వీస్ అందుబాటులోకి రానుంది. ఈ వ్యాన్లో డాక్టర్లు, నర్సుల బృందం నేరుగా గ్రామాల్లోని ప్రజలకు వైద్య సేవలు అందిస్తారు. రెడ్ క్రాస్ సేవల విస్తరణలో భాగంగా మన జిల్లా ఈ ప్రాజెక్టుకు ఎంపికైంది.
News March 22, 2026
ప.గో: తినీ తినక కిస్తీలు కడుతున్నాం.. మా ఇళ్లు మాకు ఇవ్వండి!
సొంతింటి కల నెరవేరుతుందని ఏళ్లుగా ఎదురుచూస్తున్న టిడ్కో ఇళ్ల లబ్ధిదారులకు నిరాశే మిగులుతోంది. దసరా, సంక్రాంతి, ఉగాది అంటూ గడువు పొడిగిస్తున్నారే తప్ప ఇళ్లను అప్పగించడం లేదని బాధితులు ఆవేదన చెందుతున్నారు. ఒకవైపు బ్యాంకులకు ఈఎంఐలు చెల్లిస్తూ, మరోవైపు అద్దె ఇళ్ల భారం మోయలేక తిని తినక కాలం వెళ్లదీస్తున్నామని వాపోతున్నారు. తక్షణమే ఇళ్లు పంపిణీ చేయాలని డిమాండ్ చేస్తున్నారు.