News May 7, 2025
నారాయణపేట: బాలికపై అత్యాచారం.. 14 రోజుల రిమాండ్
బాలికపై ఓ యువకుడు అత్యాచారం చేశాడు. SI బాలరాజు తెలిపిన వివరాలు.. NRPTజిల్లా కోస్గి పరిధిలోని ఓ గ్రామానికి చెందిన బాలికను వికారాబాద్ జిల్లా దోమ మండలం మల్లేపల్లి వాసి రమేశ్ ప్రేమిస్తున్నానని చెప్పి మార్చి 5న తనవెంట తీసుకెళ్లాడు. 10రోజుల తర్వాత PSకు వచ్చి తాము పెళ్లి చేసుకుంటామని చెప్పాడు. బాలిక తండ్రి ఫిర్యాదు మేరకు పోలీసులు కేసు నమోదు చేశారు. శుక్రవారం రమేశ్కు కోర్టు 14 రోజుల రిమాండ్ విధించింది.
Similar News
News March 6, 2026
అతివలకు అండగా ఆదిలాబాద్ షీ టీం
ఆదిలాబాద్ జిల్లాలో మహిళల భద్రతకు షీ టీమ్స్ నిరంతరం సేవలందిస్తున్నాయని ఎస్పీ అఖిల్ మహాజన్ తెలిపారు. గత నెలలో 54 ఫిర్యాదులు స్వీకరించి, 61 మందికి కౌన్సిలింగ్ ఇచ్చారు. 118 హాట్స్పాట్లలో తనిఖీలు చేపట్టి 53 మంది పోకిరీలపై చర్యలు తీసుకున్నారు. “పోలీసు అక్క” ద్వారా విద్యాసంస్థల్లో అవగాహన కల్పించారు. అత్యవసర సమయాల్లో డయల్ 100 లేదా 8712659953 నంబర్లకు సమాచారం అందించాలని ఆయన సూచించారు.
News March 6, 2026
ఇతనికి 60 ఏళ్లు.. నమ్ముతారా?
తన ఏజ్లెస్ లుక్స్తో ప్రపంచవ్యాప్తంగా గుర్తింపు పొందిన సింగపూర్ మోడల్ చువాండో టాన్ ఈ నెల 3న 60 ఏళ్లు పూర్తిచేసుకున్నారు. ఇందుకు సంబంధించిన ఫొటోలు సోషల్ మీడియాలో వైరలవుతున్నాయి. అరవైలో ఇరవైలా ఉండటమంటే ఇదేనని, ఇతను వ్యాంపైర్ అయి ఉంటాడని నెటిజన్లు కామెంట్లు చేస్తున్నారు. హై ప్రొటీన్ ఫుడ్, మద్యం, ధూమపానం, చక్కెరకు దూరంగా ఉండటం, డైలీ వ్యాయామం, స్విమ్మింగ్ తన ఫిట్నెస్కు కారణమని అతను చెబుతుంటారు.
News March 6, 2026
KMR: దొంగతనం.. ఎనిమిది నెలల జైలు
చోరీకి పాల్పడిన నిందితుడికి కోర్టు 8నెలల జైలుశిక్షతో పాటు ₹300 ఫైన్ విధించింది. SP రాజేశ్ చంద్ర తెలిపిన వివరాలు.. భిక్కనూర్ వాసి వేణు ఇంటికి తాళం వేసి వెళ్లాడు. మరుసటి రోజు వచ్చి చూడగా తలుపులు పగులగొట్టి ఉన్నాయి. ₹10 వేలు చోరీకి గురైనట్లు గుర్తించారు. చిట్లపల్లి సాగర్ చోరికి పాల్పడినట్లు గుర్తించి పోలీసులు అరెస్ట్ చేశారు. సాక్ష్యాధారాలను పరిశీలించిన కోర్టు నిందితుడికి శిక్ష, జరిమానా ఖరారు చేసింది.