News March 30, 2024
ఏప్రిల్ 2 వరకు వడగాలులు!
TG: భానుడి భగభగలతో రాష్ట్రం మండిపోతోంది. పగటిపూట బయటికి రావాలంటేనే ప్రజలు వణికిపోతున్నారు. ఈ వడగాలుల తీవ్రత ఏప్రిల్ 2 వరకు అధికంగా ఉంటుందని వాతావరణ శాఖ తాజాగా హెచ్చరించింది. ఈ మేరకు ఆదిలాబాద్, కొమరం భీం ఆసిఫాబాద్, మంచిర్యాల, నిర్మల్, నిజామాబాద్, కరీంనగర్, భద్రాద్రి కొత్తగూడెం, ఖమ్మం, నల్గొండ, సూర్యాపేట, వికారాబాద్, సంగారెడ్డి, కామారెడ్డి జిల్లాలకు ఎల్లో అలెర్ట్ ప్రకటించింది.
Similar News
News February 15, 2026
ఏపీలో రేపు ఆప్షనల్ హాలిడే.. తెలంగాణలో నో
ఈసారి శివరాత్రి ఆదివారం రావడంతో పబ్లిక్ హాలిడే అదే రోజు వర్తిస్తుంది. అయితే ఉద్యోగులు జాగరణ చేసి తర్వాతి రోజు డ్యూటీ చేయడం కష్టమని ఏపీ ప్రభుత్వం సోమవారం <<19142894>>ఆప్షనల్ హాలిడే<<>> ఇచ్చింది. దీంతో కొందరు ఉద్యోగులు సెలవు తీసుకునే అవకాశం ఉంది. స్కూళ్లు మాత్రం యథావిధిగా నడవనున్నాయి. అటు తెలంగాణ ప్రభుత్వం ఎలాంటి సెలవు (ఆప్షనల్ సహా) ప్రకటించలేదు.
News February 15, 2026
నరనారాయణులు ఎవరు?
మహావిష్ణువు కవల అవతారాలే నరనారాయణులు. వీరు లోక కల్యాణం కోసం బదరీ క్షేత్రంలో కఠోర తపస్సు చేశారు. వీరే కృష్ణార్జునులుగా జన్మించారని పురాణాలు చెబుతున్నాయి. సహస్ర కవచాంతకుడనే రాక్షసుడిని సంహరించడానికి ఒకరు తపస్సు, మరొకరు యుద్ధం చేస్తూ వేల ఏళ్లు పోరాడారు. వీరు బదరీ వృక్షం కింద నివసించడం వల్లే శివరాత్రి నాడు ఆ పండ్లను నైవేద్యంగా పెట్టే సంప్రదాయం ఏర్పడింది. వీరు జ్ఞానానికి, తపస్సుకు నిలువెత్తు రూపాలు.
News February 15, 2026
భావోద్వేగాలను కంట్రోల్ చేసుకోలేకపోతున్నారా?
భావోద్వేగాలు అందరిలోనూ ఉంటాయి. కానీ భావోద్వేగాలను నియంత్రించుకోలేకపోవడం వల్ల జీవితంలో సమస్యలు వచ్చే అవకాశం ఉందంటున్నారు నిపుణులు. ఇలా కాకుండా ఉండాలంటే జర్నలింగ్, ధ్యానం పాటించాలి. మానసిక, శారీరక ఆరోగ్యంపై దృష్టి పెట్టాలి. ఆరోగ్యకర ఆహారం తీసుకోవడంతో పాటు వ్యాయామం చెయ్యడం మంచిది. భావోద్వేగాలు ఉండటం మంచిదే కానీ వాటికి బానిస కాకుండా జాగ్రత్తపడాలని సూచిస్తున్నారు.