News July 8, 2025
ఇది జగన్ గారి జంగిల్ రాజ్ కాదు: లోకేశ్
AP: MLA ప్రశాంతిరెడ్డిపై YCP నేత ప్రసన్నకుమార్‌రెడ్డి వ్యాఖ్యలపై మంత్రి లోకేశ్ ఫైరయ్యారు. వ్య‌క్తిత్వాన్ని కించ‌ప‌రస్తూ వ్యాఖ్య‌లు చేయడం దారుణమన్నారు. ‘YCP నేతలకు మ‌హిళలంటే ఇంత ద్వేష‌భావ‌మా? త‌ల్లి, చెల్లిని త‌రిమేసిన జగన్ గారిని ఆద‌ర్శంగా తీసుకున్న‌ట్టున్నారు. మ‌హిళ‌ల జోలికి వస్తే ఊరుకునేందుకు ఇది జగన్ గారి జంగిల్ రాజ్ కాదు.. మ‌హిళ‌ల‌కు అండ‌గా నిలిచే ప్ర‌జాప్ర‌భుత్వం’ అని వ్యాఖ్యానించారు.
Similar News
News July 9, 2025
EP-2: స్త్రీలో ఈ లక్షణాలు ప్రమాదం: చాణక్య నీతి
వ్యక్తుల గుణగణాలపై చాణక్య నీతిలో చెప్పిన మాటలు ఇవాళ్టికీ ఆమోదయోగ్యంగానే అనిపిస్తాయి. స్త్రీలో ఈ లక్షణాలుంటే కుటుంబానికి మంచి జరగదని చాణక్యుడు పేర్కొన్నారు. అవసరానికి మించి ఖర్చులు చేయడం, చిన్న విషయాలకే కోపం తెచ్చుకోవడం, ఇతరుల గురించి చెడుగా మాట్లాడటం, డబ్బు/అందం గురించి గర్వ పడటం, భర్త ఆదాయాన్ని తక్కువ చేయడం. ఈ లక్షణాలు కుటుంబ మానసిక, ఆర్థిక పరిస్థితులకు మంచిది కాదని తెలిపారు.
<<-se>>#chanakyaneeti<<>>
News July 9, 2025
గిల్ కెప్టెన్సీకి 10కి 10 మార్కులు: రవిశాస్త్రి
ఎడ్జ్‌బాస్టన్‌లో గిల్.. డాన్ బ్రాడ్‌మన్‌లా బ్యాటింగ్ చేశారని టీమ్ ఇండియా మాజీ హెడ్‌కోచ్ రవిశాస్త్రి కొనియాడారు. ‘రెండో టెస్టులో గిల్ కెప్టెన్సీకి 10కి 10 మార్కులిస్తాను. విదేశాల్లో ఒక భారత కెప్టెన్ చేసిన అత్యుత్తమ ప్రదర్శన ఇది. ఆకాశ్ లాంటి సీమర్‌ను తీసుకున్న అతని నిర్ణయాన్ని మెచ్చుకోవాలి. అక్కడి పరిస్థితులకు ఆకాశ్ సరైన ఎంపిక. అతను సిరీస్ మొత్తం ENG బ్యాటర్లను ఇబ్బంది పెట్టగలడు’ అని తెలిపారు.
News July 9, 2025
డోపింగ్ టెస్టులో పట్టుబడిన భారత స్టార్ రెజ్లర్
భారత టాప్ హెవీవెయిట్ రెజ్లర్ రితికాహుడా డ్రగ్ వాడినట్లు డోపింగ్ టెస్ట్‌లో తేలింది. ఆసియా ఛాంపియన్షిప్ ముందు మార్చి 15న చేసిన టెస్టులో.. ఆమె మూత్రంలో నిషేధిత S1 అనబాలిక్ ఆండ్రోజెనిక్ స్టెరాయిడ్స్‌ గుర్తించారు. దాంతో జాతీయ యాంటీ డోపింగ్ సంస్థ ఏడాది నిషేధం విధించింది. రితికా తాను తప్పుచేయలేదని, విచారణకు సహకరిస్తానన్నారు. ప్రపంచ రెజ్లింగ్ ఛాంపియన్షిప్(2025 Sep)వేళ ఆమెపై భారత్ ఆశలు పెట్టుకుంది.