News August 7, 2025

మరోసారి వార్తల్లోకి మార్కాపురం..!

image

మార్కాపురంలో ప్రభుత్వ అధికారుల తీరుపై చాలా ఆరోపణలు వస్తున్నాయి. పనికి ఆహారం పథకం కింద ఓ కాంట్రాక్టర్‌కు రూ.కోటి పనులు ఇవ్వడంలో మార్కాపురం DLPO బాలూనాయక్ అవకతవలకు పాల్పడినట్లు విచారణలో తేలడంతో ఆయనపై క్రమశిక్షణ చర్యలకు ప్రభుత్వం సిద్ధమవుతోంది. మార్కాపురం ప్రభుత్వ ఆసుపత్రి మత్తు డాక్టర్ డ్యూటీకి సరిగా రాకపోవడంపైనా విచారణ జరుగుతోంది. ఓ జడ్పీ స్కూల్ HMకు సైతం ఇటీవల నోటీసులు వచ్చిన విషయం తెలిసిందే.

Similar News

News August 31, 2025

తర్లుపాడు PSను తనిఖీ చేసిన జిల్లా ఎస్పీ

image

తర్లుపాడు పోలీస్‌ స్టేషన్‌ను జిల్లా ఎస్పీ దామోదర్ శనివారం ఆకస్మిక తనిఖీ చేశారు. ముందుగా స్టేషన్ పరిసరాలు పరిశీలించి, స్టేషన్‌ రికార్డులు, నేరాల చరిత్ర, కేసుల పురోగతి, పోలీసు సిబ్బంది పనితీరును సమీక్షించారు. ప్రజలకు అందించే సేవలపై ప్రత్యేక దృష్టి సారించాలని సిబ్బందికి పలు సూచనలు ఇచ్చారు. ఈ కార్యక్రమంలో SI బ్రహ్మ నాయుడు, స్టేషన్ సిబ్బంది ఉన్నారు.

News August 30, 2025

రేపు ఒంగోలుకు రానున్న MP మాగుంట

image

ఒంగోలు ఎంపీ మాగుంట శ్రీనివాసులురెడ్డి ఆదివారం ఒంగోలుకు రానున్నట్లు ఎంపీ మాగుంట కార్యాలయం శనివారం ప్రకటన విడుదల చేసింది. సాయంత్రం నాలుగు గంటలకు ఒంగోలులోని తన కార్యాలయంలో కార్యకర్తలకు అందుబాటులో ఉంటారని అన్నారు. అలాగే ఒంగోలులో జరిగే కార్యక్రమాలలో ఎంపీ మాగుంట రేపు పాల్గొంటారన్నారు. అంతేకాకుండా ఒకటో తేదీ సోమవారం కూడా ఎంపీ మాగుంట తన కార్యాలయంలో అందుబాటులో ఉంటారని తెలిపారు.

News August 30, 2025

ప్రకాశం: బార్ల లైసెన్స్ కోసం 78 దరఖాస్తులు.. కాసేపట్లో లాటరీ..!

image

ఓపెన్ కేటగిరీకి సంబంధించి 26 బార్లకు దరఖాస్తులు ఆహ్వానించగా, 78 దరఖాస్తులు అందినట్లు జిల్లా ఎక్సైజ్ అధికారి ఆయేషా బేగం తెలిపారు. శుక్రవారం ఒంగోలులోని కార్యాలయంలో మాట్లాడారు. 26 బార్లకు గాను 17 బార్లకు దరఖాస్తులు అందాయన్నారు. గీత కులాలకు కేటాయించిన 3 బార్లకు 14 వచ్చాయని తెలిపారు. శనివారం ఉదయం 8 గంటలకు కలెక్టరేట్ వద్ద కలెక్టర్ సమక్షంలో లాటరీ తీయడం జరుగుతుందన్నారు.