News August 7, 2025
డేట్, టైమ్, ప్లేస్ ఫిక్స్ చెయ్.. కిషన్ రెడ్డికి రేవంత్ రెడ్డి సవాల్
TG: కులగణన సర్వేపై కేంద్రమంత్రి కిషన్ రెడ్డి అసత్యాలు ప్రచారం చేస్తున్నారని సీఎం రేవంత్ రెడ్డి ధ్వజమెత్తారు. సర్వేపై ప్రజెంటేషన్ ఇస్తామని, డేట్, టైమ్, ప్లేస్ ఆయనే ఫిక్స్ చేయాలని సవాల్ విసిరారు. ఢిల్లీకి రమ్మన్నా అధికారులను తీసుకొని వస్తానని, కిషన్ రెడ్డి అనుమానాలను నివృత్తి చేస్తామని స్పష్టం చేశారు. ఇక 2029లో కేంద్రం, రాష్ట్రంలో కాంగ్రెస్‌దే విజయమని రేవంత్ ధీమా వ్యక్తం చేశారు.
Similar News
News August 10, 2025
ఒకే ఫ్రేమ్‌లో మెగా హీరోస్.. పిక్ వైరల్
మెగా హీరోలు రామ్‌చరణ్, వరుణ్ తేజ్, సాయిధరమ్ తేజ్ జిమ్‌లో చెమటోడ్చుతున్నారు. ఈ సందర్భంగా జిమ్ ట్రైనర్‌తో కలిసి వారు ఫొటోకు పోజులిచ్చారు. ఇందుకు సంబంధించిన పిక్ సోషల్ మీడియాలో వైరల్‌గా మారింది. ఇది చూసిన ఫ్యాన్స్ మెగా హీరోలను ఒకే ఫ్రేమ్‌లో చూడటం సంతోషంగా ఉందని కామెంట్లు చేస్తున్నారు. కాగా ‘పెద్ది’తో చెర్రీ, ‘VT 15’తో వరుణ్, ‘SDT 18’తో సాయి ధరమ్ బిజీగా ఉన్నారు.
News August 10, 2025
విభేదాలు అన్ని పార్టీల్లో ఉన్నాయి: కవిత
TG: బీఆర్ఎస్‌లో అంతర్గత విభేదాలపై ఎమ్మెల్సీ కవిత మరోసారి స్పందించారు. ‘ఇలాంటివి అన్ని పార్టీల్లో ఉంటాయి. సీఎం రేవంత్ ఏదైనా ప్రకటన చేయగానే కోమటిరెడ్డి రాజగోపాల్ రెడ్డి వెంటనే వ్యతిరేకిస్తున్నారు. బీజేపీలో బండి సంజయ్‌ని ఉద్దేశిస్తూ ఈటల రాజేందర్ డైరెక్ట్ వార్నింగ్ ఇస్తున్నారు. ఇలా అన్ని పార్టీల్లో ఏదో ఒకటి నడుస్తూనే ఉంది. అందులో పెద్దగా ఆలోచించాల్సిన అవసరం లేదు’ అని వ్యాఖ్యానించారు.
News August 10, 2025
చికెన్ ఆరోగ్యానికి మంచిదా? చెడ్డదా?
చికెన్‌ను పవర్ హౌస్ అని అంటారు. దీనిని తింటే ఎన్నో రకాల ఆరోగ్య ప్రయోజనాలు ఉన్నాయని వైద్య నిపుణులు చెబుతున్నారు. ‘చికెన్ తింటే ఎముకలు, కండరాల దృఢత్వంతోపాటు రోగనిరోధక శక్తి పెరుగుతుంది. గుండె ఆరోగ్యాన్ని మెరుగుపరుస్తుంది. మానసిక స్థితిని సమతుల్యంగా ఉంచుతుంది. దీనిని అతిగా తింటే కొలెస్ట్రాల్ స్థాయులు, బరువు పెరుగుతారు. అలర్జీ, ఇన్ఫెక్షన్, హార్మోన్ల అసమతుల్యత ఏర్పడుతుంది’ అని హెచ్చరిస్తున్నారు.