News August 8, 2025
రూ.5వేలకు కూతురిని అమ్మేసిన తండ్రి.. పట్టించిన CC కెమెరాలు
AP: మూడేళ్ల కూతురిని ఓ తండ్రి రూ.5వేలకు అమ్మేసిన ఘటన విజయవాడలో జరిగింది. బాపట్ల(D) వేటపాలెంకు చెందిన మస్తాన్ గురువారం రాత్రి విజయవాడ బస్టాండ్ వద్ద పరిచయమైన మహిళ, పురుషుడికి తన కుమార్తెను విక్రయించాడు. ఆపై తప్పిపోయిందని కిడ్నాప్ డ్రామా ఆడాడు. కృష్ణలంక పోలీసులు CC కెమెరాలు పరిశీలించగా అసలు విషయం బయటపడింది. బాలికను విశాఖ తీసుకెళుతున్నట్లు గుర్తించి రక్షించారు. ఆపై పోలీసులు ముగ్గురిని అరెస్టు చేశారు.
Similar News
News August 9, 2025
‘మహావతార్ నరసింహ’.. రూ.136 కోట్లకు పైగా వసూళ్లు
యానిమేటెడ్ సినిమా ‘మహావతార్ నరసింహ’ విడుదలై రెండు వారాలైనా బాక్సాఫీసు వద్ద దూసుకెళ్తోంది. అన్ని భాషల్లో కలిపి 14 రోజుల్లో రూ.136 కోట్లకు పైగా గ్రాస్ వసూళ్లు రాబట్టింది. కేవలం హిందీలోనే రూ.84.44Cr నెట్ కలెక్షన్స్ వచ్చాయి. హిందీలో తొలి వారం ₹ 32.82cr, రెండో వారంలో అంతకుమించి ₹51.62cr వసూలు చేసినట్లు సినీ వర్గాలు పేర్కొన్నాయి. ఈ మూవీకి అశ్విన్ కుమార్ దర్శకత్వం వహించారు.
News August 9, 2025
APL: అమరావతి రాయల్స్ విజయం
ఆంధ్ర ప్రీమియర్ లీగ్ సీజన్-4 తొలి మ్యాచులో అమరావతి రాయల్స్ 3 వికెట్ల తేడాతో విజయం సాధించింది. తొలుత కాకినాడ కింగ్స్ 20 ఓవర్లలో 229/5 స్కోర్ చేసింది. KS భరత్ (93), సాయి రాహుల్ (96) రాణించారు. వర్షం అంతరాయం కలిగించడంతో అంపైర్లు టార్గెట్‌ను DLS ప్రకారం 14 ఓవర్లలో 173కి కుదించారు. అమరావతి జట్టు 13.2 ఓవర్లలో లక్ష్యాన్ని ఛేదించింది. హనుమ విహారి (17 బంతుల్లో 39 రన్స్) ప్లేయర్ ఆఫ్ ది మ్యాచ్‌గా నిలిచారు.
News August 9, 2025
పుట్టినరోజు శుభాకాంక్షలు
ఈ రోజు పుట్టినరోజు జరుపుకుంటున్న అందరికీ శుభాకాంక్షలు. పరిమితుల దృష్ట్యా ఫొటో ఎంపిక కాని వారు మన్నించగలరు. > ఫొటో, పేరు, ఊరు, పుట్టిన తేదీ వివరాలతో.. teluguteam@way2news.comకు SUBJECT: BIRTHDAYతో ముందురోజు (ex: MAY 1న పుట్టినరోజు అయితే APR 30న) ఉదయం గం.8:00-08:05 లోపు మెయిల్ చేయండి. పుట్టినరోజున మీ సన్నిహితులను ఆశ్చర్యపర్చండి.