News August 9, 2025

MDK: ఇంటర్ అడ్మిషన్ల గడువు 31 వరకు పెంపు

మెదక్ జిల్లాలోని జూనియర్ కళాశాలల్లో ఇంటర్ ఫస్టియర్ ప్రవేశాల గడువును ఈనెల 31 వరకు పొడిగించినట్లు జిల్లా ఇంటర్ అధికారి మాధవి తెలిపారు. ఈ మేరకు ఇంటర్మీడియట్ విద్యాశాఖ కార్యదర్శి కృష్ణ ఆదిత్య ఉత్తర్వులు జారీ చేసినట్లు తెలిపారు. ఇప్పటివరకు ప్రవేశం పొందని విద్యార్థులు ఈ అవకాశాన్ని సద్వినియోగం చేసుకోవాలని సూచించారు. ఇదే చివరి అవకాశం అనే విషయాన్ని విద్యార్థులు గమనించాలని స్పష్టం చేశారు.