News August 10, 2025
అరకు కాఫీకి టాటా బ్రాండింగ్
AP: అరకు కాఫీని బ్రాండింగ్ చేసేందుకు టాటా సంస్థతో రాష్ట్ర ప్రభుత్వం ఒప్పందం చేసుకుంది. ఇకపై విదేశాల్లో సహా పలు ప్రాంతాల్లో టాటానే మార్కెటింగ్ చేయనుంది. అలాగే మన్యంలో 1600 హెక్టార్లలో కాఫీ తోటల విస్తరణకు ITC, రంపచోడవరంలో రబ్బరు సాగును ప్రోత్సహించేందుకు ITDAతో కేంద్రీయ రబ్బరు బోర్డు MOU చేసుకుంది. చింతపల్లిలో రెడ్‌చెర్రీ పండ్ల రిఫైనింగ్, ప్రాసెసింగ్ యూనిట్ ఏర్పాటుకు సబ్ కో ముందుకొచ్చింది.
Similar News
News August 11, 2025
భారత్‌లో వరల్డ్ కప్.. కౌంట్‌డౌన్ స్టార్ట్
భారత్‌లో మరో క్రికెట్ సంగ్రామానికి కౌంట్‌డౌన్ స్టార్ట్ అయింది. Sept 30న మొదలయ్యే మహిళల వన్డే ప్రపంచకప్‌ టోర్నీకి మరో 50 రోజులే ఉండటంతో నేడు ICC ట్రోఫీ టూర్‌ను లాంచ్ చేసింది. ఈ కార్యక్రమంలో ICC ఛైర్మన్ జై షా, BCCI సెక్రటరీ సైకియా, మాజీ స్టార్లు యువరాజ్, మిథాలీ రాజ్, మహిళా క్రికెటర్లు హర్మన్, స్మృతి, జెమీమా పాల్గొన్నారు. కాగా టోర్నీకి అతిథ్యమివ్వనున్న అన్ని నగరాల్లో ట్రోఫీ టూర్ నిర్వహించనున్నారు.
News August 11, 2025
హార్ట్ అటాక్.. పదేళ్ల ముందే పసిగట్టొచ్చు!
భవిష్యత్‌లో వచ్చే గుండె సమస్యలను పదేళ్ల ముందే పసిగట్టొచ్చని ‘JAMA కార్డియాలజీ’లో పబ్లిషైన అధ్యయనం చెబుతోంది. ‘ఒక్కసారిగా ఒంట్లో శక్తి తగ్గడం, తక్కువగా కదలడం, ఎక్కువగా నిద్రపోవడం వంటి లక్షణాలు పదేళ్ల తర్వాత వచ్చే గుండె జబ్బులకు సంకేతాలు. బాడీలో కొలెస్ట్రాల్, BP స్థాయులు పెరగడానికి ముందే వీటి ద్వారా జాగ్రత్త పడొచ్చు’ అని వివరిస్తోంది. ఊరికే కూర్చోకుండా ఎక్కువగా కదలడం అలవాటు చేసుకోవాలని సూచిస్తోంది.
News August 11, 2025
భర్తతో విడాకుల ప్రచారం.. హన్సిక పోస్ట్ వైరల్
భర్త సోహెల్‌తో విడాకుల ప్రచారం నడుమ హీరోయిన్ హన్సిక చేసిన పోస్టు వైరలవుతోంది. ఈ ఏడాది తనకు అనేక పాఠాలను నేర్పిందని ఆమె ఇన్‌స్టాలో పోస్ట్ చేశారు. అదే సమయంలో తెలియని బలం కూడా వచ్చిందని పేర్కొన్నారు. తనకు బర్త్ డే(AUG 9) విషెస్ చెప్పిన వారికి ధన్యవాదాలు తెలిపారు. కాగా భర్తతో కలిసి ఉన్న ఫొటోలను గతంలో ఆమె డిలీట్ చేశారు. తాజా పోస్ట్ మరోసారి విడాకులపై చర్చ దారితీసింది.