News August 10, 2025
BREAKING: KPHBలో కరెంట్ షాక్‌తో బాలుడి మృతి
KPHB PS పరిధి వసంత్‌నగర్‌లో ఆదివారం విషాదం నెలకొంది. పోలీసుల వివరాలు.. 14 ఏళ్ల బాలుడు విద్యుత్‌ షాక్‌కు గురై మృతిచెందాడు. ఇంటి ప్రాంగణంలో బంధువుతో కలిసి విజయ్ కార్తీక్ షటిల్‌ ఆడుతుండగా కాక్‌ ట్రాన్స్‌ఫార్మర్‌ మీద పడింది. దాన్ని తీసేందుకు ప్రయత్నించగా కరెంట్ షాక్‌ తగిలింది. ఆసుపత్రికి తరలించగా అప్పటికే బాలుడు మృతి చెందినట్లు వైద్యులు తెలిపారు. KPHB పోలీసులు కేసు నమోదు చేసి దర్యాప్తు చేస్తున్నారు.
Similar News
News August 13, 2025
HYDలో వాట్సాప్ ద్వారా బస్ టికెట్
HYDలోని ఆర్టీసీ బస్సుల్లో క్యూ ఆర్ కోడ్ డిజిటల్ టికెటింగ్ సక్సెస్ అయిన నేపథ్యంలో వాట్సాప్ చాట్‌బాట్ ద్వారా టికెట్ అందించే ప్రయత్నాలు అధికారులు చేస్తున్నారు. మియాపూర్, కంటోన్మెంట్ డిపోల నుంచి శంషాబాద్ అంతర్జాతీయ విమానాశ్రయానికి నిత్యం నడిపే పుష్పక్ బస్సుల్లో మొదట పైలెట్ ప్రాజెక్టు కింద అమలు చేసి పరిశీలించనున్నారు. ఇది సక్సెస్ అయితే సిటీలోని మిగతా బస్సులకు సైతం విస్తరించనున్నారు.
News August 13, 2025
HYD: మీ దానం.. స‘జీవం’
తాను మరణించినా మరొకరు బతకాలనే ఆలోచన గొప్పది. ఈ విషయంలో HYD దాతలకు చేతులెత్తి మొక్కాల్సిందే. ఇటీవల నార్సింగికి చెందిన డా.భూమిక బ్రెయిన్‌డెడ్ కావడంతో అవయవదానం చేసి ఆరుగురికి ప్రాణం పోసింది. గతంలో CYB కానిస్టేబుల్ ఆంజనేయులుకు యాక్సిడెంట్‌లో బ్రెయిన్‌డెడ్ అయ్యింది. ఆర్గాన్ డొనేట్ చేసి, 8 మందికి ప్రాణం పోశాడు. ఇలాంటి దాతలు సిటీలో ఎందరో ఉన్నారు. వారికి సెల్యూట్ చేద్దాం.
నేడు ప్రపంచ అవయవదాన దినోత్సవం.
News August 13, 2025
భారీ వర్షాలు.. HYD వాసులకు పోలీసుల సూచనలు
☛15వ తేదీ వరకు వర్ష సూచన
☛సాయంత్రం వేళల్లో భారీ వర్షం కురిసే అవకాశం
☛అత్యవసరం ఉంటేనే బయటకురావాలి
☛వెదర్ అప్‌డేట్స్ ఫాలో అవుతూ పనులు షెడ్యూల్ చేసుకోండి
☛వాహనాల కండీషన్ పరిశీలించండి
☛నీరు నిలిచి ఉండే ప్రాంతాల్లో జాగ్రత్త
☛వర్షంలో చెట్ల కింద, కరెంట్ పోల్స్ దగ్గర నిలబడొద్దు
NOTE: జాగ్రత్తలు పాటించండి.. క్షేమంగా గమ్యం చేరండి అని హైదరాబాద్ పోలీసులు సూచిస్తున్నారు.
SHARE IT