News August 11, 2025
సల్మాన్ ఖాన్, అక్షయ్ చిత్రాలను దాటేసిన ‘మహావతార్’
యానిమేషన్ మూవీ ‘మహావతార్ నరసింహ’ సరికొత్త రికార్డులు సృష్టిస్తోంది. ఈ ఏడాది బాలీవుడ్‌లో అత్యధిక వసూళ్ల జాబితాలో అక్షయ్ కుమార్(స్కై ఫోర్స్-రూ.113 కోట్లు), సల్మాన్ ఖాన్(సికందర్-రూ.110 కోట్లు) చిత్రాలను దాటేసి 6వ స్థానంలో నిలిచింది. ఇప్పటివరకు ఈ చిత్రం హిందీలోనే రూ.126 కోట్లకు పైగా కలెక్షన్లు రాబట్టినట్లు సినీ వర్గాలు తెలిపాయి. ప్రపంచవ్యాప్తంగా రూ.200 కోట్ల వసూళ్ల దిశగా పరుగులు పెడుతోంది.
Similar News
News August 21, 2025
నేడు మంత్రివర్గ సమావేశం
AP: సీఎం చంద్రబాబు అధ్యక్షతన ఇవాళ వెలగపూడి సచివాలయంలో క్యాబినెట్ భేటీ జరగనుంది. ఈ సమావేశంలో పలు కీలక అంశాలపై నిర్ణయం తీసుకునే అవకాశం ఉంది. అమరావతి పనుల పురోగతి, పోలవరం ప్రాజెక్టు తదితర అంశాలపై చర్చించే అవకాశం ఉంది. రూ.904 కోట్లతో రాజధాని గ్రామాల్లో అభివృద్ధి పనులు, మౌలిక వసతుల కల్పనకు ఆమోదం పలకనుందని సమాచారం. కొత్త జిల్లాల పేర్లు మార్పు, ఏర్పాటుపై కూడా చర్చ జరిగే ఛాన్స్ ఉంది.
News August 21, 2025
టీమ్ ఇండియా మేనేజర్‌గా జనసేన MLA కుమారుడు
ఆసియా కప్‌లో పాల్గొనే భారత జట్టుకు మేనేజర్‌గా ఆంధ్రాకు చెందిన పీవీఆర్ ప్రశాంత్ నియమితులయ్యారు. ప్రశాంత్ ప్రస్తుతం ఏసీఏ ఉపాధ్యక్షుడిగా ఉన్నారు. గతంలో పశ్చిమగోదావరి జిల్లా టీమ్ ప్లేయర్‌గా రాణించారు. కాగా భీమవరం జనసేన ఎమ్మెల్యే పులపర్తి ఆంజనేయులు కుమారుడే ప్రశాంత్. అలాగే భీమిలి ఎమ్మెల్యే గంటా శ్రీనివాసరావుకు అల్లుడు కూడా. ఈ నెల 9 నుంచి 28 వరకు ఆయన టీమ్ ఇండియాతో పర్యటించనున్నారు.
News August 21, 2025
హైదరాబాద్ KPHBలో ఎకరం రూ.70 కోట్లు
TG: హైదరాబాద్‌లో KPHBలో హౌసింగ్ బోర్డు ఆస్తులను రాష్ట్ర ప్రభుత్వం వేలం వేసింది. ఈ వేలంలో రికార్డు స్థాయిలో ఎకరం భూమి రూ.70 కోట్లు పలికింది. మొత్తం 7.8 ఎకరాలకు రూ.547 కోట్ల ఆదాయం సమకూరింది. గోద్రెజ్ ప్రాపర్టీస్ సంస్థ ఈ భూములను దక్కించుకుంది.