News August 11, 2025
ఏలూరు: ‘నేషనల్ డీ-వార్మింగ్ డే విజయవంతం చేయాలి’

ఏలూరులో ఈనెల 12న జరిగే నేషనల్ డి-వార్మింగ్ డే కార్యక్రమాన్ని విజయవంతం చేయాలని జిల్లా వైద్య శాఖ అధికారి అమృతం సోమవారం అధికారులకు తెలిపారు.1-2సం.ల పిల్లలకు albendazole 1/2 టాబ్లెట్, 2-19 సం.ల పిల్లలకు ఒక మాత్ర ఇస్తామన్నారు. కొంకి, నులి, బద్దే, గుండ్రని పురుగులను నివారించడం ద్వారా పిల్లలు ఆరోగ్యంగా జీవిస్తారన్నారు. మంగళవారం హాజరు కాని పిల్లలకు ఈనెల 20వ తేదీన మాత్రలు ఇస్తామని అమృతం పేర్కొన్నారు.
Similar News
News April 19, 2026
జగిత్యాల వేదికగా కేసీఆర్ వ్యూహాత్మక గర్జన

జగిత్యాలలో రేపు జరిగే KCR సభ రాజకీయంగా కీలక మలుపులు మలుచుకోబోతున్న సంకేతాలు కనిపిస్తున్నాయి. వచ్చే అసెంబ్లీ ఎన్నికల వరకు ప్రజల మధ్యే ఉండబోతున్నట్లు ఈ సభ ద్వారా స్పష్టం చేయబోతున్నారు. కాంగ్రెస్ ప్రభుత్వ పనితీరును ఎండగట్టడానికి వ్యూహాత్మక అంశాలను ఎంచుకున్నట్లు తెలుస్తోంది. కాళేశ్వరం విషయంలో CM రేవంతే లక్ష్యంగా ఘాటైన విమర్శలు చేసి, రాష్ట్ర రాజకీయలను ప్రభావితం చేయాలని KCR ప్లాన్ చేసినట్లు తెలుస్తోంది.
News April 19, 2026
చమత్కార కవిత్వ రచనలో దిట్ట ‘గాడేపల్లి’: భూతపురి

అవధానాల్లో, ఆశుకవితా ప్రదర్శనల్లో చమత్కార భరితంగా కవిత్వ రచన చేయడంలో దిట్ట గాడేపల్లి వీరరాఘవ శాస్త్రి అని సి.పి.బ్రౌన్ భాషా పరిశోధన కేంద్రం సహాయ పరిశోధకులు డా.భూతపురి గోపాలకృష్ణ శాస్త్రి అన్నారు. సి.పి.బ్రౌన్ భాషా పరిశోధన కేంద్రం ‘నెలనెలా సీమ సాహిత్యం’ సదస్సులో ‘గాడేపల్లి వీరరాఘవ శాస్త్రి జీవితం – సాహిత్యం’ అనే అంశంపై ప్రసంగించారు. ఆధునిక కాలంలో అవధానాన్ని ప్రజలకు చేరువ చేశారన్నారు.
News April 19, 2026
VKB: ఎమ్మెల్యే రామ్మోహన్ రెడ్డికి తప్పిన ప్రమాదం

కుల్కచర్లలో వ్యవసాయ శాఖ ఆధ్వర్యంలో ఏర్పాటు చేసిన డ్రోన్ పిచికారీ ప్రదర్శనలో ఎమ్మెల్యే రామ్మోహన్ రెడ్డికి ప్రమాదం తప్పింది. వివిధ అభివృద్ధి పనుల ప్రారంభోత్సవానికి వచ్చిన ఆయన.. డ్రోన్ పంపిణీని ప్రారంభిస్తుండగా అది అదుపుతప్పి ఎమ్మెల్యేకు స్వల్ప గాయాలయ్యాయి. వెంటనే స్పందించిన సిబ్బంది ఆయన్ను చికిత్స నిమిత్తం ప్రభుత్వ ఆసుపత్రికి తరలించారు. ప్రస్తుతం ఎమ్మెల్యే ఆరోగ్యం నిలకడగానే ఉందని వైద్యులు తెలిపారు.


