News August 14, 2025
సచిన్ కొడుకు అర్జున్ టెండూల్కర్ ఎంగేజ్‌మెంట్!
క్రికెట్ లెజెండ్ సచిన్ టెండూల్కర్ కుమారుడు అర్జున్ టెండూల్కర్(25) త్వరలో పెళ్లి పీటలెక్కబోతున్నట్లు తెలుస్తోంది. ముంబై బిజినెస్‌మెన్ రవి ఘాయ్ మనమరాలు సానియా ఛందోక్‌తో ఇవాళ అతని నిశ్చితార్థం జరిగినట్లు జాతీయ మీడియా పేర్కొంది. దీనిపై సచిన్ ఫ్యామిలీ నుంచి అధికారిక ప్రకటన రావాల్సి ఉంది. ఈ వేడుకకు అతికొద్దిమంది సన్నిహితులు హాజరైనట్లు సమాచారం. అర్జున్ దేశవాళీ క్రికెట్‌లో గోవాకు, IPLలో MIకి ఆడుతున్నారు.
Similar News
News August 14, 2025
క్లౌడ్ బరస్ట్.. 22 మంది మృతిపై PM మోదీ దిగ్భ్రాంతి
J&Kలోని కిష్త్వార్ ప్రాంతంలో క్లౌడ్ బరస్ట్ వల్ల 22మంది మృతిచెందడంపై PM మోదీ దిగ్భ్రాంతి వ్యక్తం చేశారు. ఘటనాస్థలిలో పరిస్థితిని ఎప్పటికప్పుడు అధికారులు సమీక్షిస్తున్నట్లు వివరించారు. సహాయక చర్యలు కొనసాగుతున్నాయని చెప్పారు. బాధితులకు అవసరమైన ఏ సాయాన్ని అందించడానికైనా సిద్ధంగా ఉన్నామన్నారు. మరోవైపు అమిత్ షా సైతం J&K CM ఒమర్ అబ్దుల్లాకు ఫోన్ చేసి ఘటనపై ఆరా తీసి అండగా ఉంటామని భరోసా ఇచ్చారు.
News August 14, 2025
వివేకాకు న్యాయం చేయాలని స్లిప్: కౌంటింగ్ వేళ వెలుగుచూసిందన్న TDP
AP: పులివెందులలో జడ్పీటీసీ ఉపఎన్నిక కౌంటింగ్ సందర్భంగా ‘మా వివేకా సార్‌కి న్యాయం చేయండి సార్’ అని స్లిప్ వచ్చిందని టీడీపీ ట్వీట్ చేసింది. బ్యాలెట్ పేపర్లను కట్టలు కట్టే సమయంలో అజ్ఞాత వ్యక్తి వేసిన ఈ కాగితం బయటపడినట్లు పేర్కొంది. ఈ అంశం సుప్రీం కోర్టు పరిధిలో ఉందని, త్వరలోనే న్యాయం జరుగుతుందని ఆశిస్తున్నట్లు వివరించింది. పులివెందుల ZPTC ఉప ఎన్నికలో TDP అభ్యర్థి లతారెడ్డి గెలిచిన విషయం తెలిసిందే.
News August 14, 2025
CS పదవీకాలం పొడిగింపు కోసం CM రిక్వెస్ట్!
TG: CS రామకృష్ణారావు పదవీకాలం పొడిగింపు కోసం CM రేవంత్ డీవోపీటీకి లేఖ రాసినట్లు విశ్వసనీయ సమాచారం. ఈ నెలాఖరుతో రిటైరవ్వాల్సిన ఆయన్ను మరో 6 నెలలు కొనసాగించాలని కోరినట్లు తెలుస్తోంది. పైగా కొత్త CS నియామకం కోసం ప్రభుత్వం కసరత్తు చేయట్లేదని సమాచారం. ఈ పోస్ట్ కోసం జయేశ్ రంజన్, శశాంక్ గోయల్, వికాస్ రాజ్ సహా పలువురు సీనియర్ ఐఏఎస్‌లు ప్రయత్నాలు చేస్తున్నట్లు వార్తలొస్తున్నాయి.