News August 14, 2025
నిర్మల్: సహాయక చర్యల కోసం జిల్లాకు రూ.కోటి
CM రేవంత్ రెడ్డి ఆదేశాల మేరకు భారీ వర్షాల నేపథ్యంలో మంత్రి పొంగులేటి శ్రీనివాస్ రెడ్డి గురువారం జిల్లా కలెక్టర్లతో వీడియో కాన్ఫరెన్స్ నిర్వహించారు. సహాయక చర్యలకు ప్రతి జిల్లాకు రూ.కోటి కేటాయించడంతో పాటు సీనియర్ అధికారులను స్పెషల్ ఆఫీసర్లుగా నియమించారు. జిల్లాలో ఎలాంటి ప్రాణ, ఆస్తినష్టం జరగకుండా చర్యలు తీసుకోవాలని జిల్లా స్థాయి అధికారులను కలెక్టర్ అభిలాష అభినవ్ ఆదేశించారు.
Similar News
News April 17, 2026
వృద్ధులు, పిల్లల పట్ల అప్రమత్తంగా ఉండాలి: మన్యం కలెక్టర్
పార్వతీపురం జిల్లాలో ఉష్ణోగ్రతలు పెరుగుతున్న నేపథ్యంలో అనారోగ్య సమస్యలు తలెత్తకుండా ప్రతి ఒక్కరూ జాగ్రత్తలు తీసుకోవాలని కలెక్టర్ ప్రభాకర్ రెడ్డి పేర్కొన్నారు. ముఖ్యంగా వృద్ధులు, పిల్లల ఆరోగ్యంపై కుటుంబ సభ్యులు ప్రత్యేక శ్రద్ధ వహించాలన్నారు. ఉష్ణోగ్రతలు ఎక్కువగా ఉండటం వలన శరీరంలో నీటి శాతం తగ్గుతుందని, దాహంతో సంబంధం లేకుండా నీరు, మజ్జిగ, నిమ్మరసం, ఓఆర్ఎస్ వంటి ద్రావణాలను తరచూ తీసుకోవాలని సూచించారు.
News April 17, 2026
సిరిసిల్ల: ఆర్థిక ఇబ్బందులతో వృద్ధుడు ఆత్మహత్య
ఆర్థిక ఇబ్బందులు తాళలేక ఓ వృద్ధుడు ఆత్మహత్య చేసుకున్న ఘటన బోయిన్పల్లి మండలంలోని వరదవల్లిలో చోటుచేసుకుంది. ఎస్సై రమాకాంత్ తెలిపిన వివరాల ప్రకారం.. వల్లంపట్ల ఎల్లయ్య (71) ఇటీవల అప్పులు చేసి నూతన ఇంటిని నిర్మించాడు. ఆ అప్పులు ఎలా తీర్చాలో తెలియక మనస్తాపంతో శుక్రవారం ఇంటి మెట్ల వద్ద ఉరివేసుకున్నాడు. మృతుడి కుమారుడు దుర్గయ్య ఇచ్చిన ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు.
News April 17, 2026
‘జిమ్’ దుస్తులతో డేంజర్
జిమ్కు వెళ్లేవారు కంఫర్ట్ కోసం టైట్గా ఉండే సింథటిక్(Activewear) దుస్తులను వాడటం పెరిగింది. అయితే ఆ దుస్తుల్లో వాడే థాలేట్స్ అనే రసాయనాలు హార్మోన్ల వ్యవస్థపై ప్రభావం చూపుతాయని నిపుణులు హెచ్చరిస్తున్నారు. ‘బ్రీతబిలిటీ లేకపోవడం వల్ల బాడీ టెంపరేచర్ పెరిగి చర్మంపై ఒత్తిడి పెరుగుతుంది. ఫంగల్ ఇన్ఫెక్షన్లు, రాషెస్ వస్తాయి. అందువల్ల వదులుగా ఉండే కాటన్ దుస్తులు వాడటం మంచిది’ అని సూచిస్తున్నారు.