News August 15, 2025
సిద్దిపేట: కోమటి చెరువులో మృతదేహం గుర్తింపు

సిద్దిపేటలోని కోమటి చెరువు దక్షిణ ద్వారం మత్తడి వద్ద నీటిలో శుక్రవారం ఉదయం గుర్తుతెలియని వ్యక్తి లభ్యమైనట్టు వన్ టౌన్ పోలీసులు తెలిపారు. మృతుడి వయసు 35-40 ఏళ్లు ఉంటాయన్నారు. నైట్ ట్రాక్ పాయింట్, ఆఫ్ హ్యాండ్ పర్పుల్ కలర్ టీ షర్టు ధరించి ఉండగా, కుడి చేతకి మూడు వరసల జపమాల రాఖీ కట్టి ఉందని వివరించారు. మృతుడిని ఎవరైనా గుర్తిస్తే 8712667311, 8712667450 నంబర్లకు సమాచారం ఇవ్వాలన్నారు.
Similar News
News August 16, 2025
ప్రశంస పత్రం అందుకున్న సిరిసిల్ల రూరల్ సీఐ మొగిలి

రాజన్న సిరిసిల్ల జిల్లా సిరిసిల్ల రూరల్ సీఐ మొగిలి శుక్రవారం ప్రశంసా పత్రం అందుకున్నారు. 79వ స్వాతంత్ర్య దినోత్సవం సందర్భంగా జిల్లాలోని వివిధ శాఖల్లో ఉత్తమ సేవలందించిన ఉద్యోగులు, సిబ్బందికి ప్రశంసా పత్రాలు స్వాతంత్ర్యం దినోత్సవం సందర్భంగా ప్రభుత్వ విప్ అది శ్రీనివాస్, కలెక్టర్ సందీప్ కుమార్ ఝా, జిల్లా ఎస్పీ మహేష్ బి గితేలు అందించారు. ఈ సందర్భంగా సీఐ మొగిలిని పలువురు అభినందించారు.
News August 16, 2025
రజినీకాంత్కు మోదీ, చంద్రబాబు శుభాకాంక్షలు

సినీ రంగంలో 50 ఏళ్లు పూర్తి చేసుకున్న సందర్భంగా సూపర్ స్టార్ రజినీకాంత్కు ప్రధాని మోదీ, సీఎం చంద్రబాబు శుభాకాంక్షలు తెలియజేశారు. ‘మీది ఒక ఐకానిక్ జర్నీ. ఎన్నో జనరేషన్స్ను మీ విభిన్న పాత్రలతో అలరించారు. మీ ప్రయాణం ఇంతే విజయవంతంగా కొనసాగాలి’ అని మోదీ ట్వీట్ చేశారు. ‘నటుడిగా అలరించడమే కాకుండా.. మీ చిత్రాలతో సమాజిక సమస్యలపై ప్రజల్లో చైతన్యం తీసుకొచ్చారు’ అని సీఎం చంద్రబాబు అభినందనలు తెలిపారు.
News August 16, 2025
కథలాపూర్: సౌదీ దేశం నుంచి స్వగ్రామానికి చేరిన మృతదేహం

జగిత్యాల జిల్లా కథలాపూర్ మండలం భూషణరావుపేటకు చెందిన సంగెం వినోద్(30) సౌదీ అరేబియా దేశంలో గత నెల 22న ఆత్మహత్యకు పాల్పడ్డాడు. మృతదేహం శుక్రవారం ఇంటికి చేరడంతో కుటుంబసభ్యులు, బంధువులు కన్నీటి పర్యంతమయ్యారు. వినోద్ ఉపాధి నిమిత్తం ఏడాది క్రితం సౌదీ అరేబియా దేశానికి వెళ్లాడు. అక్కడ కార్మికుడిగా పని చేస్తున్నప్పటికీ సరైన వేతనం లేదని మనస్థాపానికి గురై ఆత్మహత్యకు పాల్పడినట్లు గ్రామస్థులు పేర్కొన్నారు.