News August 17, 2025
MBNR: 24 గంటల్లో నమోదైన వర్షపాతం
గడిచిన 24 గంటల్లో మహబూబ్ నగర్ జిల్లా వ్యాప్తంగా నమోదైన వర్షపాతం వివరాలు ఈ విధంగా ఉన్నాయి. జిల్లాలో అత్యధికంగా మిడ్జిల్ మండలంలో 14.2 మి.మీ వర్షపాతం నమోదయింది. అత్యల్పంగా బాలానగర్ మండలంలో 0.3 మి.మీ వర్షపాతం కురిసింది. కౌకుంట్ల చిన్న చింతకుంట రాజాపూర్ మహమ్మదాబాద్ మండలాలలో ఎటువంటి వర్షపాతం నమోదు కాలేదు. నేడు రేపు కూడా జిల్లాలో మోస్తరు నుంచి భారీ వర్షాలు కురుస్తాయని వాతావరణ శాఖ హెచ్చరించింది.
Similar News
News August 17, 2025
గణేష్ మండపాలు.. నిబంధనలు తప్పనిసరి
✒గణేష్ మండపాల పూర్తి బాధ్యత మండపాల నిర్వహకులదే
✒ DJలు అనుమతి లేదు
✒మండపాల వద్ద సీసీ కెమెరాలు ఉండాలి
✒ రా.10 గంటల వరకే స్పీకర్లు
✒అసభ్యకరమైన నృత్యాలు, అన్యమతస్తులను కించపరిచే విధంగా ప్రసంగాలు/పాటలు పూర్తిగా నిషేధం
✒24 గంటలు వాలంటీర్ ఉండాలి
✒పాయింట్ పుస్తకం ఏర్పాటు చేసుకోవాలి
ఎలాంటి సందేహాలు ఉన్నా సంబంధిత పోలీసు అధికారులను లేదా Dial 100 నంబర్‌ను సంప్రదించాలని జిల్లా ఎస్పీ డీ.జానకి తెలిపారు.
News August 17, 2025
MBNR: ఉచిత శిక్షణ.. 25 నుంచి తరగతులు
మహబూబ్‌నగర్‌లోని బీసీ స్టడీ సర్కిల్లో GROUPS-(I, II, III, IV), RRB& SSC, బ్యాంకింగ్ పరీక్షలకు ప్రిపేర్ అవుతున్న వాళ్లకు ఈనెల 25 నుంచి తరగతులు ప్రారంభమవుతాయని బీసీ అభివృద్ధి అధికారిణి ఇందిర Way2Newsతో తెలిపారు. మహబూబ్‌నగర్, నాగర్‌కర్నూల్, నారాయణపేట విద్యార్థులకు రిజర్వేషన్, డిగ్రీలో వచ్చిన మార్కుల ఆధారంగా ఎంపికలు చేస్తామన్నారు. ఇప్పటికే దరఖాస్తుల గడువు ముగిసింది.
News August 17, 2025
పాలమూరు: ALERT.. దూరవిద్యకు రేపే లాస్ట్..!
ఈ ఏడాదికి గాను ఓపెన్ SSC, INTERలో చేరేందుకు దరఖాస్తుల గడువు రేపటితో ముగుస్తుందని ఉమ్మడి పాలమూరు జిల్లా ఓపెన్ స్కూల్ కో-ఆర్డినేటర్ శివయ్య Way2Newsతో తెలిపారు. ఈనెల 18లోగా (ఫైన్ లేకుండా) ఆన్‌లైన్‌లో దరఖాస్తులు చేసుకోవాలని, SSCకి 14 సం||లు, INTERకి 15 సం||ల కనీస వయసు ఉండాలన్నారు. అడ్మిషన్ అయిన వారికి ఉచిత పుస్తకాలు, తరగతులు నిర్వహిస్తామని, ఉమ్మడి జిల్లాలో SSC- 81, INTER- 107 సెంటర్‌లు ఉన్నాయన్నారు.