News August 19, 2025
త్వరలో పుతిన్, ట్రంప్, జెలెన్‌స్కీ భేటీ
రష్యా-ఉక్రెయిన్ యుద్ధాన్ని ముగించే దిశగా ప్రయత్నాలు కొనసాగుతున్నాయి. ఈ యుద్ధాన్ని ముగించేందుకు త్వరలోనే వైట్ హౌస్ వేదికగా డొనాల్డ్ ట్రంప్, వ్లాదిమిర్ పుతిన్, జెలెన్‌స్కీ భేటీ కానున్నారు. ట్రంప్-జెలెన్‌స్కీ భేటీలో ఈ అంశం చర్చకు వచ్చింది. వివాదాలు ముగించేందుకు తాము రష్యా, ఉక్రెయిన్ సహా ఏ దేశంతోనైనా కలిసి పని చేసేందుకు సిద్ధమని ట్రంప్ ప్రకటించారు. త్వరలోనే పుతిన్‌తో ఫోన్‌లో మాట్లాడతానని తెలిపారు.
Similar News
News August 19, 2025
తగ్గిన బంగారం ధరలు
గత కొంతకాలంగా కొనుగోలుదారులకు షాకిస్తూ వచ్చిన బంగారం ధరలు క్రమంగా దిగొస్తున్నాయి. HYD బులియన్ మార్కెట్‌లో ఇవాళ 24 క్యారెట్ల పసిడి 10 గ్రాములపై రూ.430 తగ్గి రూ.1,00,750కు చేరింది. 10 రోజుల్లో మొత్తం ₹2,560 తగ్గింది. ఇక 22 క్యారెట్ల గోల్డ్ 10 గ్రాములపై రూ.400 పతనమై రూ.92,350 పలుకుతోంది. అటు KG వెండి ధర రూ.1,27,100గా ఉంది. తెలుగు రాష్ట్రాల్లో దాదాపు ఇవే ధరలున్నాయి.
News August 19, 2025
USతో ఉక్రెయిన్ భారీ వెపన్ డీల్‌!
USకు ఉక్రెయిన్ ప్రెసిడెంట్ జెలెన్‌స్కీ $100 బిలియన్ల వెపన్ డీల్‌ ఆఫర్ చేసినట్లు Financial Times వెల్లడించింది. ట్రంప్‌తో భేటీలో ఈ నిర్ణయం తీసుకున్నట్లు పేర్కొంది. యూరప్ ఫండ్స్‌తో US నుంచి ఎయిర్ డిఫెన్స్ సిస్టమ్స్, డ్రోన్స్ కొనుగోలు చేయనున్నట్లు తెలిపింది. బదులుగా రష్యాతో వార్ తర్వాత తమకు భద్రత కల్పించాలని కోరినట్లు చెప్పింది. దీంతో ట్రంప్‌కు కావాల్సింది ఇదేనన్న అభిప్రాయాలు వ్యక్తమవుతున్నాయి.
News August 19, 2025
దీపావళి వరకు సేల్స్ డౌన్!
జీఎస్టీ సంస్కరణలు తీసుకొస్తామంటూ ప్రధాని మోదీ చేసిన <<17409983>>ప్రకటన<<>> వాణిజ్య రంగంపై ప్రభావం చూపే అవకాశం ఉంది. దీపావళి నుంచి కొత్త GST అమల్లోకి వచ్చే అవకాశం ఉండటంతో <<17418489>>ధరలు<<>> భారీగా తగ్గనున్నాయి. దీంతో వినియోగదారులు దీపావళి తర్వాతే కొనుగోళ్లకు మొగ్గు చూపుతారని వ్యాపార నిపుణులు అంచనా వేస్తున్నారు. ఇదే జరిగితే పండగ వరకు అమ్మకాలు తగ్గుతాయని చెబుతున్నారు.