News August 19, 2025
నీతి ఆయోగ్ రిపోర్ట్.. కడప జిల్లాకు లభించిన ర్యాంకులు.!
నీతి అయోగ్ రిపోర్టు ఆధారంగా కడప జిల్లాకు వచ్చిన ర్యాంకులను కలెక్టర్ శ్రీధర్ తెలిపారు. ఆరోగ్య సంరక్షణలో
35వ ర్యాంక్, విద్యలో 100, వ్యవసాయంలో 24, ఆర్థికాభివృద్ధిలో 71, మౌలిక సదుపాయాల్లో 34వ ర్యాంక్ సాధించామని ఆయన పేర్కొన్నారు. వీటి ఆధారంగా వైద్య ఆరోగ్య శాఖ, ఐసీడీఎస్, డీఆర్‌డీఏ అధికారులు కలిసి సమష్ఠిగా పనిచేస్తే మంచి ఫలితాలు సాధించవచ్చని కలెక్టర్ శ్రీధర్ సూచించారు.
Similar News
News August 19, 2025
కడప: మొదటి 2 రోజులు బార్లకు దరఖాస్తులు నిల్
కడప జిల్లాలో 27 బార్ల ఏర్పాటుకు సోమవారం నుంచి దరఖాస్తుల రిజిస్ట్రేషన్ ప్రారంభమైంది. అయితే మొదటి రెండు రోజుల్లో ఒక్క దరఖాస్తు కూడా రాలేదని జిల్లా P&E అధికారి రవి కుమార్ తెలిపారు. ఆఫ్ లైన్, ఆన్ లైన్ పద్ధతుల్లో దరఖాస్తులకు అవకాశం కల్పించారు. కడపలోని జిల్లా ఎక్సైజ్ కార్యాలయంలో ఆఫ్ లైన్‌లోను, మిగతా చోట్ల ఆన్ లైన్లో రిజిస్ట్రేషన్‌కు ఏర్పాట్లు చేశారు. దరఖాస్తు ఫీజు రూ.5 లక్షలుగా నిర్ణయించారు.
News August 19, 2025
కడప: ఫలితాలు విడుదల
కడప నగరంలోని డా.వైఎస్సార్ ఆర్కిటెక్చర్ అండ్ ఫైన్ ఆర్ట్స్ యూనివర్సిటీలో ప్లానింగ్, ఫైన్ ఆర్ట్స్ విభాగాలకు సంబంధించిన 2, 4, 6వ సెమిస్టర్ రెగ్యులర్ ఫలితాలను వర్సిటీ ఉపకులపతి ఆచార్య విశ్వనాధ కుమార్ మంగళవారం విడుదల చేశారు. ఫలితాలను యూనివర్సిటీ అధికార వెబ్‌సైట్లో చెక్ చేసుకోవచ్చన్నారు. ఫలితాల విడుదలలో వర్సిటీ అదనపు పరీక్షల నియంత్రణాధికారి డా.జి.ఫణీంద్ర రెడ్డి, ప్రకాశ్ రెడ్డి ఉన్నారు.
News August 19, 2025
ఆస్పిరేషనల్ ప్రోగ్రాంలో కడప జిల్లాకు మొదటి స్థానం
వెనుకబడిన కడప జిల్లాలను అభివృద్ధి చేయడం ఆస్పిరేషనల్ డిస్ట్రిక్ట్ ప్రోగ్రామ్ ప్రధాన ఉద్దేశమని, ఈ కార్యక్రమాన్ని జిల్లాలో సమర్థవంతంగా అమలు చేసేందుకు చర్యలు తీసుకోవాలని జిల్లా కలెక్టర్ శ్రీధర్ అధికారులను ఆదేశించారు. రాష్ట్రంలోని ఆస్పిరేషనల్ జిల్లాల్లోనే కడప జిల్లా 73.6 స్కోర్‌తో మొదటి స్థానంలో నిలిచిందని తెలిపారు. సోమవారం రాత్రి జిల్లా అధికారులతో ఆయన ఆస్పిరేషనల్ ప్రోగ్రాంపై సమీక్షించారు.