News August 25, 2025
కేటీఆర్.. అప్పుడు మీ దమ్ముకు ఏమైంది?: MP కిరణ్
TG: పార్టీ మారిన MLAలు రాజీనామా చేసి ఎన్నికలకు వెళ్లే దమ్ముందా అంటూ KTR విసిరిన సవాల్‌కు కాంగ్రెస్ MP చామల కిరణ్ కౌంటరిచ్చారు. ‘పదేళ్లలో 60 మంది MLAలు పార్టీ మారితే అప్పుడు మీ దమ్ముకు దుమ్ము పట్టిందా? మీరు HYDలో ఎక్కువ ఎమ్మెల్యే సీట్లు గెలిచినా పార్లమెంట్‌లో సున్నా వచ్చింది’ అని అన్నారు. BJPని విమర్శిస్తూ ‘కేంద్రం చంద్రబాబు‌కు ఇచ్చే ఇంపార్టెన్స్ BJP MPలకు ఇవ్వడం లేదు’ అని వ్యాఖ్యానించారు.
Similar News
News August 26, 2025
సెలవులు ఇవ్వాల్సిందే: మహిళా కమిషన్
TG: వినాయక చవితి, ఇతర పండుగలు, ఆదివారాల్లో జూనియర్ కాలేజీల విద్యార్థులకు తప్పనిసరిగా సెలవు ఇవ్వాలని రాష్ట్ర మహిళా కమిషన్ ఇంటర్ బోర్డుకు సూచించింది. రేపు ప్రభుత్వ, ప్రైవేట్ కళాశాలలకు సెలవు ప్రకటించినా కొన్ని కాలేజీలు పాటించట్లేదంటూ మహిళా కమిషన్‌కు ఫిర్యాదులు వచ్చాయి. దీంతో తప్పనిసరిగా సెలవులు ఇవ్వాలని కమిషన్ ఛైర్ పర్సన్ నేరేళ్ల శారద ఇంటర్ బోర్డుకు సూచనలు చేశారు. రేపు మీకు సెలవు ఉందా?
News August 26, 2025
రేపే వినాయక చవితి.. మార్కెట్లు రష్
వినాయక చవితికి మరొక్క రోజే మిగిలి ఉండటంతో మార్కెట్లలో రద్దీ విపరీతంగా పెరిగింది. వినాయక ప్రతిమలు కొనేందుకు ప్రజలతో పాటు మండపాల నిర్వాహకులు విక్రయ షెడ్ల వద్దకు భారీగా చేరుకుంటున్నారు. వ్యాపారులతో బేరమాడి ఐడల్స్ కొంటున్నారు. అటు పూజకు అవసరమైన పత్రీలు, వస్తువులు, పూలు, పండ్లకు విపరీతమైన డిమాండ్ ఏర్పడింది. సామగ్రి కొనుగోలుదారులతో కిరాణా దుకాణాలు, సూపర్ మార్కెట్లు కిటకిటలాడుతున్నాయి.
News August 26, 2025
యూరియా.. అన్నదాత ఆవేదన వినరా!
తెలంగాణలో రైతుల యూరియా కష్టాలు తీవ్రస్థాయికి చేరాయి. రాత్రీపగలు తేడా లేకుండా అన్నదాతలు ఎరువుల దుకాణాల వద్ద క్యూ కడుతున్నారు. యూరియా పాపం కేంద్రానిదేనని రాష్ట్ర ప్రభుత్వం ఆరోపిస్తుండగా, కాంగ్రెస్ సర్కారే కృత్రిమ కొరత సృష్టిస్తోందని BJP అంటోంది. ఇక యూరియా కొరతకు BJP, కాంగ్రెస్సే కారణమని BRS మండిపడుతోంది. ఇలాంటి రాజకీయ విమర్శలకే పరిమితమైన పార్టీలు రైతుల సమస్యకు మాత్రం పరిష్కారం చూపడం లేదు.