News August 26, 2025
ఈనెల 29న మణుగూరు ITIలో జాబ్ మేళా
మణుగూరు ప్రభుత్వ ITIలో ఈనెల 29న జాబ్ మేళా ఉంటుందని ప్రిన్సిపాల్ జీ. రవి తెలిపారు. సింగరేణి కోల్ మైన్స్ లో పని చేస్తున్న ఎస్ఎంఎస్ కంపెనీలో టెక్నీషియన్, ఆపరేటర్స్ ట్రైనింగ్ ఉద్యోగాల కోసం ఈ జాబ్ మేళా జరుగుతుందన్నారు. ఐటీఐలో ఎలక్ట్రిషన్, ఫిట్టర్, డ్రాప్స్ మెన్ సివిల్, సర్వేయర్, డీజిల్ మెకానిక్, మోటార్ మెకానిక్ కోర్సులు పూర్తి చేసిన వారు ఒరిజినల్ సర్టిఫికెట్లతో ఉదయం 10 గంటలకు హాజరు కావాలని కోరారు.
Similar News
News August 26, 2025
శాంతిభద్రతల పరిరక్షణకు ప్రత్యేక చర్యలు: ఎస్పీ జానకి షర్మిల
బుధవారం నుంచి ప్రారంభం కానున్న వినాయక నవరాత్రులకు పటిష్ఠమైన ఏర్పాట్లు చేయాలని SP జానకి షర్మిల అధికారులను ఆదేశించారు. పండుగ ప్రారంభం నుంచి నిమజ్జన శోభాయాత్ర వరకు ఎలాంటి భద్రతా లోపాలు లేకుండా చర్యలు తీసుకోవాలన్నారు. ఈ సందర్భంగా ఆమె మాట్లాడుతూ, శాంతి భద్రతలకు విఘాతం కలగకుండా పకడ్బందీ ఏర్పాట్లు చేయాలని, విగ్రహాల నిమజ్జనం ప్రశాంతంగా జరిగేందుకు అన్ని జాగ్రత్తలు తీసుకోవాలని అధికారులకు దిశానిర్దేశం చేశారు
News August 26, 2025
కర్లపాలెం అంగన్వాడీ కేంద్రం పని తీరుపై కలెక్టర్ అసహనం
అంగన్వాడీ కేంద్రంలో ఆటపాటలతో పాటు విద్యా బోధన జరగాలని కలెక్టర్ వెంకట మురళి సూచించారు. కర్లపాలెం మండలం కర్లపాలెం ఎంఎన్ రాజుపాలెంలోని కోడ్ నంబర్-128 అంగన్వాడీ కేంద్రాన్ని ఆయన ఆకస్మికంగా తనిఖీ చేశారు. ప్రీ స్కూల్ నిర్వహణపై ఆరా తీశారు. అంగన్వాడీ కార్యకర్త అడిగిన ప్రశ్నలకు చిన్నారులు సరిగా స్పందించకపోవడంతో అసహనం వ్యక్తం చేశారు. చిన్నారులకు బాల్యం నుంచే విద్యాబుద్ధులు నేర్పాలన్నారు.
News August 26, 2025
కడప: ‘బార్ల దరఖాస్తుకు గడువు పొడిగింపు’
కడప జిల్లాలో బార్ల ఏర్పాటుకు దరఖాస్తు చేసుకోవడానికి గడువును ఈనెల 29వ తేది వరకు పొడిగించినట్లు జిల్లా ప్రాహిబిషన్ & ఎక్సైజ్ అధికారి రవికుమార్ మంగళవారం తెలిపారు. జిల్లాలో జనరల్ కేటగిరిలో 27, గీత కులాల కేటగిరీలో 2లో కలిపి మొత్తం 29 బార్ల ఏర్పాటుకు అధికారులు గతంలో నోటిఫికేషన్ ఇచ్చారు.