News August 26, 2025
బ్యాంకులు ప్రజలను నియంత్రించొద్దు: సీఎం
AP: బ్యాంకులు, పబ్లిక్ పాలసీలు ప్రజలను నియంత్రించొద్దని CM చంద్రబాబు అన్నారు. బ్యాంకర్లతో సమావేశంలో మాట్లాడారు. ‘ఇప్పటికే రైతులకు రుణాలు, ఇన్‌పుట్ సబ్సిడీలు ఇవ్వాల్సింది. సీజన్ చివర్లో ఇస్తే ప్రయోజనం ఉండదు. సంస్కరణల దిశగా ప్రజలను ప్రోత్సహించాలి. రైతులు, ప్రజలు, ప్రభుత్వ ఆకాంక్షలకు అనుగుణంగా బ్యాంకుల నిర్ణయాలుండాలి’ అని సూచించారు. ‘వన్ ఫ్యామిలీ-వన్ ఎంట్రప్రెన్యూర్’కు బ్యాంకుల సహకారంపై చర్చించారు.
Similar News
News August 26, 2025
రేపు చంద్రుడిని చూస్తే ఏమవుతుందో తెలుసా?
గణేశుడు కడుపునిండా తిని తన తల్లిదండ్రులకు నమస్కారం చేస్తుండగా కిందపడతాడు. కడుపులోని ఉండ్రాళ్లన్నీ బయటపడటంతో చంద్రుడు నవ్వుతాడు. పార్వతి కోపంతో చంద్రుడిని చూసిన వారు నీలాపనిందలకు గురవుతారని శాపం పెడుతుంది. చంద్రుడు తప్పు తెలుసుకోవడంతో దాన్ని భాద్రపద శుద్ధ చవితికి పరిమితం చేస్తుంది. వినాయక చవితి నాడు పొరపాటున చంద్రుడిని చూస్తే గణేశుడి కథ విని, అక్షతలు తలపై వేసుకోవాలని పండితులు సూచిస్తున్నారు.
News August 26, 2025
పులివెందుల జడ్పీటీసీ ఉప ఎన్నికపై కలెక్టర్‌కు NCSC నోటీసులు
AP: పులివెందుల జడ్పీటీసీ ఉప ఎన్నికపై వైఎస్సార్ కడప జిల్లా కలెక్టర్ చెరుకూరి శ్రీధర్‌కు జాతీయ ఎస్సీ కమిషన్ నోటీసులు ఇచ్చింది. ఎన్నికల్లో తమను ఓటు వేయనివ్వలేదని, తమ ఓటు హక్కును వేరే వాళ్లు వినియోగించుకున్నారని అచ్చవెల్లి, ఎర్రబల్లి గ్రామస్థులు NCSCకి ఫిర్యాదు చేశారు. దీంతో ఈ ఆరోపణలపై 15 రోజుల్లో నివేదిక సమర్పించాలని జాతీయ ఎస్సీ కమిషన్ నోటీసులు జారీ చేసింది.
News August 26, 2025
HYD బాటలో గురుగ్రామ్.. కుక్కకు ఉద్యోగం
గురుగ్రామ్‌కు చెందిన ‘లీప్‌ఫ్రాగ్’ అనే కంపెనీ ‘చీఫ్ హ్యాపీనెస్ ఆఫీసర్’గా గోల్డెన్ రిట్రివర్ శునకాన్ని నియమించుకుంది. ‘ఉద్యోగులు స్ట్రెస్ అవ్వకుండా ఉండేలా తన క్యూట్‌నెస్‌తో ఆనందపరచడమే దీని పని. వారికి ప్రశాంతతను అందిస్తూ పరధ్యానం చెందకుండా ఉండేందుకు ఇది ప్రయత్నిస్తుంది’ అని లింక్డిన్‌లో పోస్ట్ చేసింది. కాగా గతంలోనే హైదరాబాద్‌లోని ఓ కంపెనీలోనూ చీఫ్ హ్యాపీనెస్ ఆఫీసర్‌గా కుక్కను నియమించింది.