News April 2, 2024
సీఎం జగన్ ఎందుకు భయపడుతున్నారు?: సునీత
AP: వివేకాను ఎవరు చంపారో ప్రజలందరికీ తెలుసన్న CM జగన్ వ్యాఖ్యలపై వివేకా కుమార్తె సునీత స్పందించారు. ‘నా తండ్రి హత్యను రాజకీయంగా జగన్ వాడుకున్నారు. 5 ఏళ్లు ఏమీ మాట్లాడలేదు. ఇప్పుడు మళ్లీ ఎన్నికల కోసం మాట్లాడుతున్నారు. MP అవినాశ్‌ను అరెస్ట్ చేస్తే మరిన్ని విషయాలు బయటకొస్తాయని CMకు భయమా? ఆయన ఎందుకు భయపడుతున్నారు? ఈ ప్రభుత్వం రక్తంలో మునిగి ఉంది. దీని నుంచి బయటకొస్తేనే రాష్ట్రాభివృద్ధి’ అని తెలిపారు.
Similar News
News November 8, 2024
‘జమాతే’ మద్దతుతో ప్రియాంక పోటీ: విజయన్
కాంగ్రెస్ పార్టీపై కేరళ CM విజయన్ తీవ్ర ఆరోపణలు చేశారు. వయనాడ్ బై ఎలక్షన్‌లో ప్రియాంకా గాంధీ వాద్రా నిషేధిత జమాతే ఇస్లామీ మద్దతుతో పోటీ చేస్తున్నారని మండిపడ్డారు. ఇది కాంగ్రెస్ లౌకిక ముసుగును బట్టబయలు చేసిందన్నారు. జమాతే సిద్ధాంతం మన ప్రజాస్వామ్య విలువలతో సరిపోతుందా? ఈ విషయంలో INC వైఖరేంటి? అని నిలదీశారు. ఈ ఉప ఎన్నికలో సీపీఐ నుంచి సత్యన్, బీజేపీ నుంచి నవ్యా హరిదాస్ పోటీ పడుతున్నారు.
News November 8, 2024
జగన్ తన ఫ్యాక్షన్ మనస్తత్వాన్ని బయట పెడుతున్నారు: జీవీ
APలో నేరాలు తగ్గి శాంతి నెలకొనాలంటే జగన్‌నే అరెస్ట్ చేయాలని వినుకొండ ఎమ్మెల్యే జీవీ ఆంజనేయులు వ్యాఖ్యానించారు. డీజీపీని బెదిరించడం చూస్తుంటే జగన్ తన క్రిమినల్, ఫ్యాక్షనిస్ట్ మనస్తత్వాన్ని బయట పెట్టుకుంటున్నారని అన్నారు. రౌడీలను రెచ్చగొడుతూ రాష్ట్రాన్ని రావణకాష్ఠం చేయాలనే కుట్రలు జరుగుతున్నాయని కీలక వ్యాఖ్యలు చేశారు. రౌడీ షీటర్లు, హంతకులను జైళ్లకు పంపిస్తే YCP దాదాపు ఖాళీ అవుతుందని చెప్పారు.
News November 8, 2024
AMUపై సుప్రీంకోర్టు కీలక తీర్పు
UPలోని అలీగఢ్ ముస్లిం యూనివర్సిటీ(AMU)పై సుప్రీంకోర్టు కీలక తీర్పు ఇచ్చింది. ప్రస్తుతం AMUకి మైనార్టీ హోదా కొనసాగించవచ్చని CJI చంద్రచూడ్ ఆధ్వర్యంలోని ఏడుగురు సభ్యుల ధర్మాసనం 4:3తో తీర్పు ఇచ్చింది. రెగ్యులర్ బెంచ్ ఈ అంశంపై తుది తీర్పు ఇస్తుందని పేర్కొంది. 1875లో ప్రారంభించిన ఈ సంస్థ 1920లో సెంట్రల్ యూనివర్సిటీగా మారగా, ఆ తర్వాత 1951లో ముస్లిం యూనివర్సిటీగా రూపాంతరం చెందింది.