News August 28, 2025
చౌటకూర్: జేఎన్‌టీయూ పరీక్షలు వాయిదా
భారీ వర్షాల కారణంగా సుల్తాన్‌పూర్ జవహర్‌లాల్ నెహ్రూ టెక్నలాజికల్ యూనివర్సిటీ రేపు, ఎల్లుండి జరగాల్సిన అన్ని పరీక్షలను వాయిదా వేసింది. విద్యార్థుల భద్రతను దృష్టిలో ఉంచుకొని ఈ నిర్ణయం తీసుకున్నట్లు విశ్వవిద్యాలయ అధికారులు తెలిపారు. వాయిదా వేసిన పరీక్షల రీషెడ్యూల్ వివరాలను త్వరలోనే ప్రకటిస్తామని వారు వెల్లడించారు.
Similar News
News August 29, 2025
ఆరిలోవ: నడిరోడ్డుపై నిప్పంటిచుకున్నాడు
విశాఖలో నడిరోడ్డుపై ఓ వ్యక్తి నిప్పంటిచుకున్నాడు. ఈ ఘటన శుక్రవారం ఉదయం ఆరిలోవలో జరిగింది. ఓ వ్యక్తి రోడ్డుపైకి వచ్చి అందరూ చూస్తుండగానే తనపై పెట్రోల్ పోసుకొని నిప్పంటిచుకున్నాడు. దీంతో స్థానికులు భయాందోళన చెందారు. వెంటనే పోలీసులకు, 108కి సమాచారం అందిచారు. పోలీసులు ఘటనా స్థలికి చేరుకొని అతడిని 108లో KGHకి తరలించారు. కుటుంబంలో మనస్పర్థల కారణంగా ఈ అఘాయత్యానికి పాల్పడినట్లు ప్రాథమిక సమాచారం.
News August 29, 2025
దివ్యాంగులకు ఉచిత పరికరాల క్యాంపు: కలెక్టర్
భద్రాద్రి కొత్తగూడెం జిల్లాలోని దివ్యాంగ విద్యార్థులు ఉచిత పరికరాల నిర్ధారణ శిబిరాన్ని సద్వినియోగం చేసుకోవాలని కలెక్టర్ జితేష్ వి. పాటిల్ కోరారు. ఈ శిబిరానికి సంబంధించిన బ్రోచర్‌ను ఆయన ఆవిష్కరించారు. సమగ్ర శిక్ష, భారత కృత్రిమ అవయవాల ఉపకరణాల సంస్థ ఆధ్వర్యంలో శిబిరాలు నిర్వహించనున్నట్లు తెలిపారు. జిల్లావ్యాప్తంగా 18 సంవత్సరాల లోపు దివ్యాంగ విద్యార్థులకు వివిధ రకాల ఉపకరణాలను ఉచితంగా అందించనున్నారు.
News August 29, 2025
MBNR: కొత్తపల్లిలో అత్యధిక వర్షపాతం నమోదు
మహబూబ్ నగర్ జిల్లాలో గడిచిన 24 గంటల్లో వివిధ ప్రాంతాలలో భారీ వర్షం కురిసింది. అత్యధికంగా మిడ్జిల్ మండలం కొత్తపల్లిలో 85.0 మిల్లీమీటర్ల వర్షం కురిసింది. మిడ్జిల్ 63.3, జడ్చర్ల 34.3 మహబూబ్ నగర్ అర్బన్ 21.5, భూత్పూర్ 19.5, చిన్నచింతకుంట 13.3, కౌకుంట్ల 10.5, కోయిలకొండ మండలం పారుపల్లి 10.0, బాలానగర్ 8.5, మూసాపేట 5.8, దేవరకద్ర, హన్వాడ 3.8, మిల్లీమీటర్ల వాన పడింది.