News August 29, 2025
సూపర్ వైజర్ పోస్టులకు దరఖాస్తులు: ప్రభాకర్
వయోజన విద్యా శాఖలో ఖాళీగా ఉన్న ఏడు సూపర్ వైజర్ పోస్టుల భర్తీకి దరఖాస్తులు ఆహ్వానిస్తున్నట్లు వయోజన విద్యాశాఖ అధికారి ప్రభాకర్ తెలిపారు. పది సంవత్సరాల సర్వీసు ఉన్న ఎస్‌జీటీ, పీఈటీ, గ్రేడ్-2 పండిట్ టీచర్లు, 45 ఏళ్లలోపు వారు అర్హులని ఆయన పేర్కొన్నారు. సెప్టెంబర్ 5వ తేదీలోపు ఏలూరు వయోజన కార్యాలయంలో దరఖాస్తు చేసుకోవాలని, సెప్టెంబర్ 9న కలెక్టరేట్‌లో ఇంటర్వ్యూలు ఉంటాయని వివరించారు.
Similar News
News August 29, 2025
హరికృష్ణకు కడపతో ప్రచార అనుబంధం
దివంగత మాజీ ఎమ్మెల్యే నందమూరి హరికృష్ణ మన మధ్య లేకపోయినా కడప వాసులు మరిచిపోలేరు. దివంగత మాజీ సీఎం నందమూరి తారక రామారావు 1982 ఎన్నికల ప్రచారంలో భాగంగా కొండాపురం మండలం తాళ్ల ప్రొద్దుటూరు, చౌటపల్లి వచ్చిన సమయంలో చైతన్య రథాన్ని హరికృష్ణ నడిపారు. మళ్లీ 1992లో రెండోసారి కొండాపురం, పులివెందుల, కడప తదితర ప్రాంతాలలో రోడ్ షోలో పాల్గొన్నారు. నేడు ఆయన వర్థంతి సందర్భంగా ఆనాటి రోజులు నెమరివేసుకుంటున్నారు.
News August 29, 2025
విద్యార్థులు, టీచర్లకు ఫేషియ‌ల్ రెక‌గ్నిష‌న్ త‌ప్ప‌నిస‌రి: సీఎం రేవంత్
TG: స్కూళ్లు, కాలేజీల్లో విద్యార్థులు, బోధ‌న సిబ్బందికి ఫేషియ‌ల్ రెక‌గ్నిష‌న్ అటెండెన్స్‌ను త‌ప్ప‌నిస‌రి చేయాలని CM రేవంత్ ఆదేశించారు. ‘మ‌ధ్యాహ్న భోజ‌న బిల్లుల చెల్లింపును గ్రీన్ ఛాన‌ల్‌లో చేప‌ట్టాలి. పాఠ‌శాలల‌్లో క్రీడ‌ల‌కు ప్రాధాన్యమిచ్చి, అవసరమైతే కాంట్రాక్ట్ ప‌ద్ధ‌తిలో PETలను నియమించాలి. బాలిక‌ల‌కు వివిధ అంశాల‌పై కౌన్సెలింగ్ ఇచ్చేందుకు మ‌హిళా కౌన్సిల‌ర్ల‌ను నియ‌మించాల’ని అధికారులకు సూచించారు.
News August 29, 2025
సిరిసిల్ల : ‘వెంటనే బకాయిలు రద్దు చేయాలి’
విద్యుత్ బ్యాక్ బిల్లులను రద్దు చేయాలని కోరుతూ సెస్ కార్యాలయం ముందు వస్త్ర యజమానులు శుక్రవారం ధర్నా నిర్వహించారు. గత ప్రభుత్వం 50% సబ్సిడీతో పవర్లూమ్ పరిశ్రమలను ఆదుకుందని పేర్కొన్నారు. ప్రస్తుతం బ్యాక్ బిల్లింగ్ పేరుతో 10 హెచ్పి మోటర్ లకు మినహా మిగతా వాటికి విద్యుత్ బకాయిలను వసూలు చేయడం సరైనది కాదని యజమానులు పేర్కొన్నారు. వెంటనే బకాయిలు రద్దుచేసి ప్రభుత్వం ఆదుకోవాలని డిమాండ్ చేశారు.