News August 29, 2025
నగరి: అబార్షన్ వికటించి నర్సింగ్ అమ్మాయి మృతి
ఓ నర్సు తప్పిదంతో 17 ఏళ్ల విద్యార్థిని మృతి చెందిన ఘటన ఇది. నగరి(M) పళ్లిపట్టు సమీప గ్రామానికి చెందిన అమ్మాయి నర్సింగ్ చదువుతూ అదే ఊరికి చెందిన వ్యక్తిని ప్రేమించింది. ఆమె గర్భం దాల్చగా నగరి సమీపంలోని పన్నూరుకు తీసుకెళ్లి అబార్షన్ చేయించారు. కొన్ని రోజులకు ఆమె ఆరోగ్యం క్షీణించడంతో తిరువళ్లూరకు తీసుకెళ్తుండగా దారి మధ్యలో చనిపోయింది. ఆమె ప్రేమించిన వ్యక్తి వరుసకు అన్న అయినట్లు సమాచారం.
Similar News
News September 2, 2025
జగిత్యాల: దొంగతనం కేసులో నిందితుడికి 5 నెలల జైలు
దొంగతనం కేసులలో నిందితుడికి 5 నెలల జైలు శిక్ష పడిన ఘటన జగిత్యాలలో సోమవారం చోటు చేసుకుంది. రెండు దొంగతనం కేసులలో నిందితుడిగా ఉన్న మహారాష్ట్రకు చెందిన లారీ డ్రైవర్ కరణ్ సింగ్ గగన్ సింగ్ తక్ అనే నిందితుడిని కోర్టులో హాజరు పరిచారు. సాక్ష్యాధారాలను పరిశీలించిన న్యాయమూర్తి శ్రీనిజ కోహ్లీకార్ నిందితుడికి ఐదు నెలల జైలు శిక్ష, రూ.200 జరిమానా విధిస్తూ తీర్పునిచ్చారు.
News September 2, 2025
జగిత్యాల: ‘సీఎం రేవంత్ రెడ్డితో తాడోపేడో తేల్చుకుంటాం’
CM రేవంత్ రెడ్డితో పెన్షన్ల పెంపు విషయంలో తాడోపేడో తేల్చుకుంటామని ఎమ్మార్పీఎస్ వ్యవస్థాపక అధ్యక్షుడు మందకృష్ణ మాదిగ అన్నారు. సెప్టెంబర్ 9న నిర్వహించనున్న చలో హైదరాబాద్ సదస్సును లక్షలాదిమంది పెన్షన్ దారులు తరలివచ్చి విజయవంతం చేయాలని అన్నారు. JGTL(D) రాయికల్ పట్టణంలోని ఓ గార్డెన్‌లో సోమవారం పెన్షన్‌దారులతో సన్నాహక సమావేశం ఏర్పాటు చేశారు. ఇచ్చిన హామీని వెంటనే అమలు చేయాలని మందకృష్ణ డిమాండ్ చేశారు.
News September 2, 2025
JGTL: నిబద్ధతతో సేవలందించిన మనోహర్‌కు అభినందనలు
TGNPDCL ఎలక్ట్రిసిటీ ఉద్యోగి దురిశెట్టి మనోహర్ (ADE) ఉద్యోగ విరమణ కార్యక్రమంలో కలెక్టర్ బి. సత్యప్రసాద్ పాల్గొన్నారు. కలెక్టర్ మాట్లాడుతూ.. మనోహర్ తన సేవా కాలమంతా నిబద్ధతతో, క్రమశిక్షణతో పనిచేసి శాఖకు ఒక ఆదర్శంగా నిలిచారని తెలిపారు. ఆయన కృషి, అంకితభావం సిబ్బందికి ప్రేరణగా ఉంటుందని అన్నారు. కార్యక్రమంలో పలువురు అధికారులు, సహోద్యోగులు, బంధువులు పాల్గొని శుభాకాంక్షలు తెలియజేశారు.