News August 29, 2025

NZB: కృష్ణా ఎక్స్ ప్రెస్ రద్దు

image

రాష్ట్రవ్యాప్తంగా భారీ వర్షాలు కురుస్తుండటంతో కామారెడ్డి జిల్లాలో రైల్వే పట్టాలు కింద ఉన్న కంకర, మట్టి వరదతో కొట్టుకుపోయి రైల్వే లైన్ దెబ్బతింది. దీంతో శుక్రవారం తిరుపతి నుంచి ఆదిలాబాద్ రావాల్సిన కృష్ణా ఎక్స్ ప్రెస్(ట్రైన్ నంబర్ 17405)ను రద్దు చేస్తున్నట్లు దక్షిణ మధ్య రైల్వే పేర్కొంది. ప్రయాణికులు ఈ విషయాన్ని గమనించాలని సూచించింది.

Similar News

News August 29, 2025

రాజంపేట టీడీపీ పార్లమెంట్ అధ్యక్ష పదవి రేసులో 20 మంది?

image

రాజంపేట టీడీపీ పార్లమెంట్ అధ్యక్ష పదవి కోసం పలువురు టీడీపీ నేతలు పోటీ పడుతుండడంతో పార్టీకి తలనొప్పిగా మారింది. అధికార పార్టీలో అధ్యక్ష పదవి కోసం 20 మందికి పైగా పార్టీ నేతలు త్రిసభ్య కమిటీకి దరఖాస్తు చేసుకున్నారు. వీరిలో దొమ్మలపాటి రమేష్ (మదనపల్లి ), శంకర్ యాదవ్(తంబళ్ల పల్లె ), సుగవాసి ప్రసాద్ బాబు(రాయచోటి), మేడా విజయశేఖర్ రెడ్డి (రాజంపేట) కస్తూరి విశ్వనాధ నాయుడు (రైల్వే కోడూరు) తదితరులు ఉన్నారు.

News August 29, 2025

సిరిసిల్ల: ‘చదువుతోపాటు క్రీడలలోనూ రాణించాలి’

image

విద్యార్థులు చదువుతోపాటు క్రీడలలోను రాణించాలని జిల్లా యువజన, క్రీడల శాఖ అధికారి రాందాసు అన్నారు. నేషనల్ స్పోర్ట్స్ డే సందర్భంగా సిరిసిల్లలోని రాజీవ్ నగర్ మినీ స్టేడియంలో క్రీడల పోటీలను నిర్వహించారు. ఈ సందర్భంగా రాందాసు మాట్లాడుతూ.. క్రీడలు దేహ దారుఢ్యం, మానసిక ఉల్లాసానికి ఎంతో తోడ్పడతాయని పేర్కొన్నారు. పీడీ సురేష్, విద్యార్థులు పాల్గొన్నారు.

News August 29, 2025

సిరిసిల్ల: 53 మంది సెర్ప్ సిబ్బంది బదిలీ

image

గ్రామీణ పేదరిక నిర్మూలన సంస్థ సీఈవో హైదరాబాద్ ఆదేశాల మేరకు 53 మంది సెర్ప్ సిబ్బందిని బదిలీ చేసినట్టు సిరిసిల్ల కలెక్టర్ సందీప్ కుమార్ ఝా తెలిపారు. సిరిసిల్లలోని కలెక్టరేట్లో సెర్ప్ సిబ్బందికి శుక్రవారం కౌన్సిలింగ్ నిర్వహించారు. ఈ సందర్భంగా కలెక్టర్ మాట్లాడుతూ.. 53 మంది సెర్ప్ సిబ్బందికి కౌన్సిలింగ్ ఇచ్చి బదిలీ చేశామని ఆయన పేర్కొన్నారు. డీఆర్డీఓ శేషాద్రి, అదనపు డీఆర్డీఓ శ్రీనివాస్ ఉన్నారు.