News August 29, 2025
గుంటూరు వైద్య కళాశాలలో రికార్డు
గుంటూరు వైద్య కళాశాల గురువారం రికార్డు నెలకొల్పింది. ఒకేరోజు 121 మంది విద్యార్థులకు MBBS కోర్సులో ప్రవేశాలు ఇవ్వడంతో పాటు వారందరికీ నిన్న సాయంత్రం 4 గంటలకే అడ్మిషన్ కార్డులు అందజేశారు. తొలుత వచ్చిన 50 మందికి 12 గంటలకే అడ్మిషన్లు పూర్తి చేశారు. వినాయక చవితి సెలవు అయినప్పటికీ వచ్చిన ఏడుగురికి బుధవారమే అడ్మిషన్ ఇవ్వగా. ఇప్పటివరకు మొత్తం 195 మంది కళాశాలలో చేరారు. కాగా ఇంకా 16 మంది చేరాల్సి ఉంది.
Similar News
News August 29, 2025
గుర్తింపు పొందని రాజకీయ పార్టీలకు సమావేశం: కలెక్టర్
కోనసీమ జిల్లా వ్యాప్తంగా గుర్తింపు పొందని రాజకీయ పార్టీలు, 2019 నుంచి 6 సంవత్సరాలలో ఏ ఒక్క ఎన్నికలో కూడా పోటీ చేయని రాజకీయ పార్టీల ప్రతినిధులు సెప్టెంబర్ 8వ తేదీన అమరావతిలో నిర్వహించి సమావేశానికి హాజరు కావాలని కోనసీమ జిల్లా కలెక్టర్ మహేష్ కుమార్ సూచించారు. ఈ మేరకు శుక్రవారం ఓ ప్రకటన విడుదల చేశారు. జై సమైక్యాంధ్ర పార్టీ జిల్లాలో ఏ ఒక్క ఎన్నికలో 6 ఏళ్లలో పోటీ చేయలేదన్నారు.
News August 29, 2025
కనీస వేతనాలు అమలు చేయాలి: సీఐటీయూ
నల్గొండలోని పారిశ్రామిక కాంట్రాక్టు కార్మికులకు కనీస వేతనాలు, పీఎఫ్, ఈఎస్ఐతో పాటు ఇతర చట్టబద్ధ సౌకర్యాలను వెంటనే అమలు చేయాలని సీఐటీయూ జిల్లా అధ్యక్షుడు లక్ష్మీనారాయణ ప్రభుత్వాన్ని డిమాండ్ చేశారు. ఈ మేరకు శుక్రవారం సీఐటీయూ రాష్ట్ర కమిటీ పిలుపు మేరకు కలెక్టరేట్ ఎదుట ధర్నా నిర్వహించారు. అనంతరం కలెక్టర్ ఇలా త్రిపాఠికి వినతిపత్రం అందజేశారు. కార్మికులకు శాశ్వత ఉద్యోగ భద్రత కల్పించాలని ఆయన కోరారు.
News August 29, 2025
గద్వాల జిల్లా ఎస్పీ ఆదేశాలు
గణేశ్ నిమజ్జనంలో ఎలాంటి అవాంఛనీయ ఘటనలకు తావు లేకుండా పటిష్ఠ బందోబస్తు నిర్వహించాలని గద్వాల జిల్లా ఎస్పీ శ్రీనివాస్ రావు అధికారులను ఆదేశించారు. శుక్రవారం నది అగ్రహారం పుష్కర ఘాట్ వద్ద ఏర్పాటు చేసిన గణేశ్ నిమజ్జన ప్రాంతాన్ని పరిశీలించారు. నిమజ్జనానికి క్రేన్ ఏర్పాటు చేసి, నదిలోకి ఎవరూ వెళ్లకుండా బారికేడ్లు ఏర్పాటు చేయాలన్నారు. గజ ఈతగాళ్లను నియమించాలని, మెడికల్, ఎమర్జెన్సీ సదుపాయాలు కల్పించాలన్నారు.