News August 29, 2025
నేడు మంచిర్యాల జిల్లాలో MP వంశీకృష్ణ
పెద్దపల్లి MP గడ్డం వంశీకృష్ణ శుక్రవారం మంచిర్యాల జిల్లాలో పర్యటించనున్నారు. మధ్యాహ్నం ఒంటిగంటకు మాతాశిశు హాస్పిటల్‌ను ఆయన సందర్శించనున్నారు. ఈ సందర్భంగా కోటపల్లిలో పిడుగుపాటుకు గురై చికిత్స పొందుతున్న రాజమల్లును MP పరామర్శిస్తారు. అనంతరం మధ్యాహ్నం 2 గంటలకు జైపూర్ మండలంలో వరద ప్రభావిత ప్రాంతాల్లో పర్యటిస్తారు. మధ్యాహ్నం 3 గంటలకు సోమనపల్లిలో వరదలకు దెబ్బతిన్న ప్రాంతాలను పరిశీలిస్తారు.
Similar News
News August 29, 2025
ప్రో కబడ్డీ లీగ్‌లో మెరిసిన వైభవ్ సూర్యవంశీ
ప్రో కబడ్డీ లీగ్ సీజన్ 12 అట్టహాసంగా ప్రారంభమైంది. వైజాగ్‌లోని రాజీవ్ గాంధీ ఇండోర్ స్టేడియంలో లీగ్ మొదలైంది. ఐపీఎల్ స్టార్ వైభవ్ సూర్యవంశీ ప్రారంభోత్సవంలో పాల్గొని సందడి చేశారు. ఈ సందర్భంగా కోర్టులో కబడ్డీ, క్రికెట్ ఆడి ప్రేక్షకులను అలరించారు. కాగా తొలి మ్యాచులో భాగంగా తెలుగు టైటాన్స్-తమిళ్ తలైవాస్ తలపడుతున్నాయి.
News August 29, 2025
నాగర్‌కర్నూల్: హత్య చేసిన నిందితుల అరెస్ట్
నాగర్‌కర్నూల్ జిల్లా పెద్దకొత్తపల్లి పోలీస్ స్టేషన్‌లో కోడేరుకు చెందిన రంగసాని హత్య ఘటనపై శుక్రవారం డీఎస్పీ శ్రీనివాసులు పత్రికా సమావేశం నిర్వహించి వివరాలు వెల్లడించారు. కోడేరు మండలం మైలారం గ్రామ వాసి రంగసాని, బల్మూరు మండలం మైలారం గ్రామ వాసి పులిందర్ గౌడ్‌కు గుప్త నిధులు ఆశ చూపి రూ.5,00,000 తీసుకొని మోసం చేశాడని, దీంతో పులిందర్ గౌడ్ ఆరుగురితో కలిసి రంగసానిని హత్య చేశాడని తెలిపారు.
News August 29, 2025
రామగుండం జోన్‌కు ఐఎంఎస్ విద్యార్థులు
పాలకుర్తిలో జరిగిన క్రీడా పోటీల్లో ఉత్తమ ప్రతిభ కనబరిచిన ఇండియా మిషన్ స్కూల్ (ఐఎంఎస్)కు చెందిన పదిమంది విద్యార్థులు రామగుండం జోన్ స్థాయి పోటీలకు ఎంపికయ్యారు. ఈ క్రీడాకారులు నేటి నుండి ఎన్టీపీసీలో జరిగే పోటీల్లో పాల్గొంటారు. ఈ సందర్భంగా పాఠశాల ప్రిన్సిపల్ మహేంద్ర, కోచ్ కృష్ణమూర్తి గౌడ్, అల్ట్రాటెక్ సిమెంట్ యాజమాన్యం విద్యార్థులను అభినందించారు.