News August 29, 2025
త్వరగా రోడ్ల పునరుద్ధరణ పనులు చేపట్టాలి: సీతక్క
TG: రాష్ట్రంలో 1,291 ప్రాంతాల్లో గ్రామీణ రోడ్లు, కల్వర్టులు దెబ్బతిన్నట్లు మంత్రి సీతక్క తెలిపారు. పంచాయితీరాజ్ రోడ్లపై ఆమె టెలీకాన్ఫరెన్స్ నిర్వహించారు. ‘వర్షాలకు రూ.374 కోట్ల నష్టం వాటిల్లింది. తాత్కాలిక మరమ్మతులకు రూ.22.71 కోట్లు, శాశ్వత నిర్మాణాలకు రూ.352 కోట్లు అవసరమని ప్రాథమికంగా అంచనా వేశాం. 14 గ్రామాలకు రాకపోకలు పునరుద్ధరించాం. త్వరగా రోడ్లకు మరమ్మతులు ప్రారంభించాలి’ అని ఆదేశించారు.
Similar News
News September 2, 2025
అలా అయితే హరీశ్ వేరే పార్టీ పెట్టుకుంటారు: కోమటిరెడ్డి
TG: కవిత విషయంపై రేపు ఆలోచిద్దామని KCR అన్నట్లు తెలిసిందని మంత్రి కోమటిరెడ్డి వెంకట్ రెడ్డి వ్యాఖ్యానించారు. ఆమెను పార్టీ నుంచి సస్పెండ్ చేయకుంటే హరీశ్ రావు ఊరుకోరన్నారు. ఆయన వేరే పార్టీ పెట్టుకుంటారని జోస్యం చెప్పారు. అయితే తాము కేసీఆర్, కవిత కుటుంబ గొడవలో తలదూర్చమని అన్నారు. మొత్తానికి బీఆర్ఎస్ పని అయిపోయినట్లేనని కామెంట్ చేశారు. ఇక కవిత తమ సీఎం గురించి మాట్లాడటం సరికాదని హితవు పలికారు.
News September 2, 2025
IBM క్వాంటం కంప్యూటర్‌కు గ్రీన్ సిగ్నల్
AP: అమరావతి క్వాంటం కంప్యూటింగ్ సెంటర్‌లో IBM క్వాంటం కంప్యూటర్‌ ఏర్పాటుకు ప్రభుత్వం గ్రీన్ సిగ్నల్ ఇచ్చింది. 2 వేల చదరపు అడుగుల్లో 133 క్యూబిట్, 5కే గేట్స్ క్వాంటం కంప్యూటర్‌ను ఏర్పాటు చేసేందుకు ఉత్తర్వులు జారీ చేసింది. చదరపు అడుగుకు రూ.30 అద్దె చెల్లించేలా IBMతో ప్రభుత్వం ఒప్పందం కుదుర్చుకుంది. IBM రాష్ట్ర ప్రభుత్వానికి నాలుగేళ్లపాటు ఏడాదికి 365 గంటల ఫ్రీ కంప్యూటింగ్ టైమ్‌ను కేటాయించనుంది.
News September 1, 2025
గవర్నర్ కోటా ఎమ్మెల్సీ అభ్యర్థులను ప్రకటించిన కాంగ్రెస్
TG: గవర్నర్ కోటా ఎమ్మెల్సీ అభ్యర్థులుగా కోదండరాం, అజారుద్దీన్ పేర్లను కాంగ్రెస్ అధిష్ఠానం ప్రకటించింది. ఈ మేరకు ప్రకటన రిలీజ్ చేసింది. అంతకుముందు గవర్నర్ కోటాలో ఎమ్మెల్సీలుగా ఎన్నికైన కోదండరాం, అమీర్ అలీ ఖాన్ నియామకాన్ని సుప్రీంకోర్టు <<17393463>>రద్దు<<>> చేస్తూ తీర్పు ఇచ్చిన సంగతి తెలిసిందే.