News August 29, 2025

రణస్థలం: యాక్సిడెంట్‌లో 20 ఏళ్ల యువకుడి మృతి

రణస్థలం మండలం సీతంవలస సమీపంలో గురువారం ద్విచక్ర వాహనం బోల్తా పడి యువకుడు మృతి చెందాడు. జెఆర్‌పురం ఎస్సై చిరంజీవి తెలిపిన వివరాల ప్రకారం..కేటీఎం బైక్‌పై ఇద్దరు యువకులు జెఆర్‌పురం నుంచి లావేరు అతివేగంగా వెళ్తుండగా వాహనం అదుపు తప్పి ప్రమాదానికి గురయ్యారు. యాక్సిడెంట్‌లో బైక్ నడుపుతున్న ప్రభాస్ (20)మృతి చెందాడు. రాంబాబుకు స్వల్ప గాయాలయ్యాయి. పోలీసులు కేసు నమోదు చేసి దర్యాప్తు ప్రారంభించారు.