News August 29, 2025
భారత్-చైనా స్నేహం ప్రపంచానికి ముఖ్యం: PM
ప్రపంచ ఆర్థిక స్థిరత్వానికి భారత్, చైనా కలిసి పని చేయడం ముఖ్యమని PM మోదీ అన్నారు. చైనాతో సంబంధాలను ముందుకు తీసుకెళ్లేందుకు సిద్ధంగా ఉన్నామన్నారు. రెండు దేశాల మధ్య స్నేహం ప్రపంచ శ్రేయస్సుకు అవసరమని తెలిపారు. గతేడాది జిన్‌పింగ్‌ను కలిసినప్పుడు సంబంధాల్లో పురోగతి కనిపించిందని, ఆయన ఆహ్వానం మేరకు SCO సమావేశానికి వెళ్తున్నానని చెప్పారు. జపాన్ న్యూస్ పేపర్‌కు ఇచ్చిన ఇంటర్వ్యూలో మోదీ ఈ వ్యాఖ్యలు చేశారు.
Similar News
News August 30, 2025
నాకు కులం, మతంతో పని లేదు: పవన్
AP: కులం, మత, ప్రాంతాలకు జనసేన అతీతం అని పవన్ అన్నారు. ‘నేను ఇస్లాం, క్రిస్టియన్ ఇతర మతాలను ఎంతో గౌరవిస్తాను. నాకు కులం, మతంతో పనిలేదు. సెక్యులర్ ముసుగులో హిందువులను, వారి సంప్రదాయాలను, మనోభావాలను కించపరిచే వారి విషయంలో సూటిగా మాట్లాడతాను. నిర్భయంగా, నిజాయితీగా మాట్లాడగలిగే ధైర్యం నాకు ఉంది. ఒక మాట మాట్లాడితే ఒక వర్గం ఓట్లు పోతాయనే భయం లేదు’ అని కార్యకర్తల సమావేశంలో స్పష్టం చేశారు.
News August 30, 2025
డిసెంబర్‌లో ఇండియాకు పుతిన్!
రష్యా అధ్యక్షుడు పుతిన్ ఈ ఏడాది డిసెంబర్‌లో భారత పర్యటనకు రానున్నట్లు జాతీయ మీడియా పేర్కొంది. గత మేలో ప్రధాని మోదీ పుతిన్‌ను ఇండియాకు రావాలని ఆహ్వానించారు. కాగా సెప్టెంబర్ 1న చైనాలో జరిగే ప్రాంతీయ సమావేశంలో మోదీ, పుతిన్, జిన్‌పింగ్ ఒకే వేదికపై కలవనున్నారు. రష్యా నుంచి ఆయిల్ దిగుమతులు, అమెరికా టారిఫ్స్ నేపథ్యంలో ఈ భేటీ ప్రాధాన్యం సంతరించుకుంది.
News August 30, 2025
రిటైర్మెంట్ వయసు పెంపుపై తప్పుడు ప్రచారం: FactCheck
AP: పబ్లిక్ సెక్టార్ అండర్ టేకింగ్ కంపెనీలు/ కార్పొరేషన్లు/ సొసైటీలలో పని చేసే ఉద్యోగుల రిటైర్మెంట్ వయసును 62 ఏళ్ల నుంచి 65 ఏళ్లకు పెంచుతున్నట్లు ఓ నకిలీ జీవో చక్కర్లు కొడుతోందని FactCheck ట్వీట్ చేసింది. వాస్తవ జీవోలో 60 నుంచి 62 సం.కు పెంచుతున్నట్లుగా మాత్రమే ఉందని తెలిపింది. కొందరు తప్పుడు జీవోను ప్రచారం చేస్తూ ప్రభుత్వ ఉద్యోగుల్లో అపోహలు సృష్టించేందుకు ప్రయత్నిస్తున్నారని పేర్కొంది.