News August 29, 2025
అవకతవకలకు పాల్పడితే స్పాట్‌లోనే సస్పెండ్: పొంగులేటి
కూసుమంచి క్యాంపు కార్యాలయంలో యూరియా సరఫరాపై మంత్రి పొంగులేటి శ్రీనివాసరెడ్డి సమీక్ష నిర్వహించారు. ఇకపై నియోజకవర్గంలో రైతులకు యూరియా ప్యాక్స్ కేంద్రాల ద్వారా మాత్రమే అందజేయాలని సూచించారు. అవకతవకలు జరిపిన వారిని స్పాట్‌లోనే సస్పెండ్ చేయాలని కలెక్టర్‌ను ఆదేశించారు. అక్రమ రవాణా నివారణకు పోలీస్ బందోబస్తు, అదనపు సబ్‌సెంటర్ల ఏర్పాటు, ఆధార్, పాస్‌బుక్ ఆధారంగా ఎకరాకు ఒక బ్యాగ్ చొప్పున పంపిణీ చేయాలన్నారు.
Similar News
News August 30, 2025
పెద్దపల్లి జిల్లాలో మోస్తరు నుంచి భారీ వర్షాలు
పెద్దపల్లి జిల్లాలో గత 24 గంటల్లో వర్షాలు విస్తృతంగా కురిశాయి. రామగిరిలో 83.3 మి.మీ, కమాన్‌పూర్ 75.6, జూలపల్లి 54.4, ముత్తారం 46.6 మి.మీ. వర్షపాతం నమోదైంది. పెద్దపల్లి 34.9, ధర్మారం 27.9, ఎలిగేడు 26.0, పాలకుర్తి 16.8 ఓదెల 12.4, శ్రీరాంపూర్ 18.7 మి.మీ. వర్షం కురిసింది. అంతర్గాంలో 8.4, మంథని 7.0, రామగుండం 6.1 తక్కువ వర్షపాతం నమోదైంది. ప్రజలు అప్రమత్తంగా ఉండాలని అధికారులు సూచించారు.
News August 30, 2025
నాకు కులం, మతంతో పని లేదు: పవన్
AP: కులం, మత, ప్రాంతాలకు జనసేన అతీతం అని పవన్ అన్నారు. ‘నేను ఇస్లాం, క్రిస్టియన్ ఇతర మతాలను ఎంతో గౌరవిస్తాను. నాకు కులం, మతంతో పనిలేదు. సెక్యులర్ ముసుగులో హిందువులను, వారి సంప్రదాయాలను, మనోభావాలను కించపరిచే వారి విషయంలో సూటిగా మాట్లాడతాను. నిర్భయంగా, నిజాయితీగా మాట్లాడగలిగే ధైర్యం నాకు ఉంది. ఒక మాట మాట్లాడితే ఒక వర్గం ఓట్లు పోతాయనే భయం లేదు’ అని కార్యకర్తల సమావేశంలో స్పష్టం చేశారు.
News August 30, 2025
నారాయణపేట: జిల్లా సర్వే నివేదిక కమిటీ ఏర్పాటు
జిల్లా సర్వే నివేదిక కమిటీని ఏర్పాటు చేసేందుకు శుక్రవారం కలెక్టర్ సిక్తా పట్నాయక్ నారాయణపేట కలెక్టరేట్‌లో సమావేశం నిర్వహించారు. సంబంధిత శాఖల జిల్లా అధికారులు తమ శాఖలకు సంబంధించిన సమాచారాన్ని నిర్ణీత గడువులోపు ఇవ్వాలని ఆమె ఆదేశించారు. ఆ సమాచారాన్ని క్రోడీకరించి జిల్లా సర్వే నివేదికను రాష్ట్ర కాలుష్య మండలికి అందజేయాలని చెప్పారు. ఈ సమావేశంలో సంబంధిత శాఖ అధికారులు పాల్గొన్నారు.