News August 29, 2025
సిరిసిల్ల: 53 మంది సెర్ప్ సిబ్బంది బదిలీ
గ్రామీణ పేదరిక నిర్మూలన సంస్థ సీఈవో హైదరాబాద్ ఆదేశాల మేరకు 53 మంది సెర్ప్ సిబ్బందిని బదిలీ చేసినట్టు సిరిసిల్ల కలెక్టర్ సందీప్ కుమార్ ఝా తెలిపారు. సిరిసిల్లలోని కలెక్టరేట్లో సెర్ప్ సిబ్బందికి శుక్రవారం కౌన్సిలింగ్ నిర్వహించారు. ఈ సందర్భంగా కలెక్టర్ మాట్లాడుతూ.. 53 మంది సెర్ప్ సిబ్బందికి కౌన్సిలింగ్ ఇచ్చి బదిలీ చేశామని ఆయన పేర్కొన్నారు. డీఆర్డీఓ శేషాద్రి, అదనపు డీఆర్డీఓ శ్రీనివాస్ ఉన్నారు.
Similar News
News August 30, 2025
NGKL: డ్రంక్ అండ్ డ్రైవ్ కేసులో ఏడుగురికి జైలు శిక్ష
నాగర్‌కర్నూల్‌లో మద్యం తాగి, వాహనాలు నడిపిన ఏడుగురికి స్థానిక న్యాయస్థానం జైలు శిక్షతోపాటు జరిమానా విధించింది. జమిస్తాపూర్ గ్రామానికి చెందిన భగవంత్‌కు ఐదు రోజుల జైలు శిక్షతోపాటు రూ.2,000 జరిమానా విధించినట్లు ట్రాఫిక్ పోలీసులు తెలిపారు. మరో ఆరుగురికి ఒక్కరోజు జైలు శిక్షతోపాటు రూ.వెయ్యి జరిమానా విధించిందన్నారు.
News August 30, 2025
MBNR: అడ్డకల్ PS.. SP ప్రత్యేక ఫోకస్
అడ్డకల్ పోలీస్ స్టేషన్ పరిధిలో నేషనల్ హైవే ఉండటం వల్ల రోడ్డు ప్రమాదాలు ఎక్కువగా జరిగే అవకాశం ఉంటదని ప్రతినిత్యం హైవే పై ట్రాఫిక్ నియంత్రణను జాగ్రత్తగా పర్యవేక్షించాలని ఎస్పీ డి.జానకి తెలిపారు. ఈ నేపథ్యంలో ట్రాఫిక్ పట్ల ప్రత్యేక శ్రద్ధ చూపాలని, హైవేపై రోడ్డు భద్రతా చర్యలు తీసుకోవాలని సూచించారు. డీఎస్పీ వెంకటేశ్వర్లు, భూత్పూర్ సర్కిల్ ఇన్‌స్పెక్టర్ రామకృష్ణ, పోలీస్ సిబ్బంది తదితరులు పాల్గొన్నారు.
News August 30, 2025
వెల్గటూర్: విద్యార్థుల చదువుల కోసం స్థల పరిశీలన
వెల్గటూర్ మండలం స్తంభంపల్లి & పాసిగామ గ్రామాల పరిధిలోని ప్రభుత్వ భూ స్థలాన్ని సంక్షేమ శాఖ మంత్రి అడ్లూరి లక్ష్మణ్ కుమార్, గిరిజన సంక్షేమ శాఖ సెక్రెటరీ అలుగు వర్షిని జిల్లా కలెక్టర్ సత్యప్రసాద్ తో కలిసి శుక్రవారం పరిశీలించారు. విద్యార్థుల చదువుల కోసం డిగ్రీ, పీజీ, బీ ఫార్మసీ కోర్సుల కొరకు అన్ని విధాల సదుపాయాలు ఉండేలా ఈ ప్రభుత్వ స్థలాన్ని పరిశీలించడం జరిగింది అని మంత్రి తెలిపారు.