News August 29, 2025
గద్వాల: సెప్టెంబర్ 1న బీజేపీ ఆధ్వర్యంలో నిరసన
గద్వాల జిల్లాలో నెలకొన్న సమస్యల పరిష్కారం కోసం సెప్టెంబర్ 1న జిల్లా కేంద్రంలో ర్యాలీ, నిరసన కార్యక్రమం ఉంటుందని బీజేపీ నేతలు శుక్రవారం పేర్కొన్నారు. ఇందుకు పార్టీ శ్రేణులు సమాయత్తం కావాలన్నారు. జిల్లాలో యూరియా కొరత, వర్షాలతో నష్టపోయిన పంటలు, మున్సిపాలిటీల్లో ప్రజలు ఎదుర్కొంటున్న ఇబ్బందులపై అధికారులకు వినతిపత్రం సమర్పిస్తామన్నారు. బీజేపీ జాతీయ ఉపాధ్యక్షురాలు, ఎంపీ డీకే అరుణ హాజరవుతారని తెలిపారు.
Similar News
News August 30, 2025
పుట్టినరోజు శుభాకాంక్షలు
ఈ రోజు పుట్టినరోజు జరుపుకుంటున్న అందరికీ శుభాకాంక్షలు. పరిమితుల దృష్ట్యా ఫొటో ఎంపిక కాని వారు మన్నించగలరు. > ఫొటో, పేరు, ఊరు, పుట్టిన తేదీ వివరాలతో.. teluguteam@way2news.comకు SUBJECT: BIRTHDAYతో ముందురోజు (ex: MAY 1న పుట్టినరోజు అయితే APR 30న) ఉదయం గం.8:00-08:05 లోపు మెయిల్ చేయండి. పుట్టినరోజున మీ సన్నిహితులను ఆశ్చర్యపర్చండి.
News August 30, 2025
జపాన్‌తో కలిసి చంద్రయాన్-5 ప్రయోగం: మోదీ
చంద్రుడిపై పరిశోధనల కోసం చేపట్టే చంద్రయాన్-5 మిషన్‌ను జపాన్‌తో కలిసి ప్రయోగిస్తామని PM మోదీ ప్రకటించారు. ఇరు దేశాల అంతరిక్ష సంస్థలు కలిసి పనిచేస్తాయని చెప్పారు. ఈ భాగస్వామ్యం జపాన్ అత్యాధునిక సాంకేతికతను, పరిశోధనా పరిజ్ఞానాన్ని ఉపయోగించుకునేందుకు దోహదపడనుంది. ఈ మిషన్‌లో ల్యాండర్‌ను భారత్, రోవర్‌ను జపాన్ నిర్మించనుంది. 2027లో చంద్రయాన్-4 మిషన్ చేపట్టాక దీనిని జపాన్ నుంచి ప్రయోగిస్తారు.
News August 30, 2025
సిద్దిపేట: శేరిపల్లి పాఠశాలకు రాష్ట్రస్థాయి గుర్తింపు
దౌల్తాబాద్‌ మండలం శేరిపల్లిలోని ప్రాథమిక పాఠశాలకు రాష్ట్రస్థాయి గుర్తింపు లభించింది. ఎస్‌సీఈఆర్‌టీ ప్రచురించిన ‘ట్రైల్ బ్లేజర్స్’ అనే పుస్తకంలో ఈ పాఠశాల గురించి ఓ కథనం వచ్చింది. పాఠశాల టీచర్ బి.రవి రాసిన ‘పాఠశాల సమావేశాల్లో తల్లిదండ్రులను సులభంగా పాల్గొనేలా చేయొచ్చు’ అనే కథనానికి పేజీ నంబర్లు 277, 281లో చోటు దక్కింది. తల్లిదండ్రులు, టీచర్లు, దాతల సహకారంతోనే ఈ గుర్తింపు సాధ్యమైందని రవి తెలిపారు.