News August 29, 2025

సుగాలి ప్రీతి అంశాన్ని డైవర్ట్ చేయడానికే రుషికొండ సందర్శన: రాజు

image

సుగాలి ప్రీతి అంశాన్ని డైవర్ట్ చేయడానికి రుషికొండ భవనాలను పవన్ కళ్యాణ్ పరిశీలించారని వైసీపీ జిల్లా అధ్యక్షుడు కేకే రాజు విమర్శించారు. పార్టీ కార్యాలయంలో విలేకరుల సమావేశంలో మాట్లాడుతూ.. ఋషికొండ భవనంపై దుష్ప్రచారం చేస్తున్నారన్నారు. సచివాలయ భవనాలకు ఇచ్చిన రేటు కంటే తక్కువ రేటుకే రుషికొండ భవనాలు నిర్మించామన్నారు. స్టీల్ ప్లాంట్ రక్షణపై చిత్తశుద్ధి ఉంటే శనివారం జరిగే జనసేన సభలో తీర్మానం చేయాలన్నారు.

Similar News

News August 30, 2025

విశాఖ: మీకు ఎస్ఎంఎస్ వచ్చిందా?

image

రైట్ టు ఎడ్యుకేషన్ (R.T.E.) చట్టం కింద ప్రైవేటు పాఠశాలల్లో విద్యాభ్యాసానికి లాటరీ ద్వారా 1784 మంది విద్యార్థులను ఎంపిక చేసామని సమగ్ర శిక్ష అదనపు ప్రాజెక్టు కోఆర్డినేటర్ చంద్రశేఖరరావు తెలిపారు. ఈ విద్యార్థులు ఆగస్టు 30లోపు కుల, ఆదాయ, పుట్టిన, ఆధార్, దివ్యాంగ ధ్రువపత్రాలు సమర్పించి పాఠశాలల్లో చేరాలన్నారు. లేకపోతే అడ్మిషన్లు పెద్ద అవుతాయన్నారు. తల్లిదండ్రులకు ఎస్ఎంఎస్ ద్వారా సమాచారం పంపామన్నారు.

News August 30, 2025

ఆదివారం కూడా బిల్లులు చెల్లించేందుకు అవకాశం: ఎస్ఈ

image

విశాఖ జిల్లాలో ఏపీ ఈపీడీసీఎల్ విద్యుత్ బిల్లుల వసూలు కేంద్రాలు 31వ తేదీన ఆదివారం కూడా పనిచేస్తాయని పర్యవేక్షక ఇంజనీర్ శ్యాంబాబు తెలిపారు. విద్యుత్ వినియోగదారులు తమ విద్యుత్ బిల్లులను విద్యుత్ రెవిన్యూ కార్యాలయాలు, ఉపవిద్యుత్ రెవెన్యూ కార్యాలయాలు, రాజీవ్ ఈపీడీసీఎల్ కౌంటర్లు, ఏటీపీ సెంటర్లలో చెల్లించవచ్చన్నారు. ఈపీడీసీఎల్ వెబ్ సైట్, మొబైల్ యాప్‌ల ద్వారా విద్యుత్ బిల్లులు చెల్లించవచ్చని అన్నారు.

News August 29, 2025

క్రీడాకారులకు మూడు శాతం స్పోర్ట్స్ కోటా: మంత్రి లోకేశ్

image

క్రీడాకారులను ప్రోత్సహించేందుకు ఉద్యోగాల్లో 3 శాతం స్పోర్ట్స్ కోటా ఇవ్వనున్నట్టు మంత్రి నారా లోకేశ్ తెలిపారు. భారత మహిళా క్రికెటర్లతో నిర్వహించిన ముఖాముఖీలో మాట్లాడుతూ.. క్రీడల అభివృద్ధికి ప్రణాళికాబద్ధంగా చర్యలు చేపడతామన్నారు. క్రీడల్లో బాలికలను తల్లిదండ్రులు ప్రోత్సహించాలన్నారు.‌ పాఠశాలల్లో ప్లే గ్రౌండ్‌ల కొరత ఉందన్నారు.‌ 43 వేల పాఠశాలలు ఉన్నా తగినంతమంది పీఈటీలు లేరన్నారు.