News August 30, 2025
స్టేషన్ ఘనపూర్: స్వాతంత్ర్య సమరయోధుడి మృతి.. నేత్రాలు దానం
స్టేషన్ ఘనపూర్ మండలం శివునిపల్లి గ్రామానికి చెందిన స్వాతంత్ర్య సమరయోధుడు, పడకంటి గుండయ్య (97) శుక్రవారం అనారోగ్యంతో మృతి చెందారు. కాగా ఆయన కుమారులు తన తండ్రి నేత్రాలను వరంగల్ రీజినల్ కంటి దవాఖానాకు దానం చేశారు. డాక్టర్.నరేందర్ నేత్రాలను సేకరించినట్లు ఆయన కుమారులు తెలిపారు. ఈ విషయం తెలుసుకున్న గ్రామస్థులు, మాజీ ఎమ్మెల్యే రాజయ్య బాధిత కుటుంబాన్ని పరామర్శించారు.
Similar News
News August 30, 2025
పెరుగుతున్న గోదావరి..మొదటి ప్రమాద హెచ్చరిక జారీ
భద్రాచలం వద్ద గోదావరిలో మొదటి ప్రమాద హెచ్చరిక జారీ అయింది. నదిలో నీటిమట్టం పెరుగుతుండటంతో కలెక్టర్ వెట్రి సెల్వి అధికారులను అప్రమత్తం చేశారు. గోదావరి పరివాహక ప్రాంతాల ప్రజలు అప్రమత్తంగా ఉండాలని, వాగులు, కాలువలు దాటడం, చేపల వేటకు వెళ్లడం వంటివి చేయవద్దని సూచించారు. రెండవ ప్రమాద హెచ్చరికకు ముందు ముంపు ప్రాంతాల ప్రజలను పునరావాస కేంద్రాలకు తరలించాలని కలెక్టర్ అధికారులను ఆదేశించారు.
News August 30, 2025
రెండు ఉద్యోగాలు సాధించిన మాజీ ఆర్మీ ఉద్యోగి
శ్రీ సత్యసాయి జిల్లా నల్లమాడ మండలం మసకవంకపల్లికి చెందిన మాజీ ఆర్మీ ఉద్యోగి చాగలేటి రమణ రెండు ఉద్యోగాలకు ఎంపికై ప్రత్యేక గుర్తింపు తెచ్చుకున్నారు. ఇటీవల పోలీస్ ఉద్యోగానికి ఎంపికై శిక్షణకు సిద్ధమవుతుండగానే, ఇటీవల వెలువడిన డీఎస్సీ ఫలితాల్లో ఉపాధ్యాయ కొలువు సాధించారు. ఈ విజయంపై కుటుంబ సభ్యులు, శ్రేయోభిలాషులు హర్షం వ్యక్తం చేశారు.
News August 30, 2025
DSC 2025: ఒకే గ్రామంలో ఆరుగురికి ఉద్యోగాలు
నంద్యాల మండలంలోని చాపరేవుల గ్రామస్థులు డీఎస్సీ ఫలితాల్లో రాణించారు. ఈసారి గ్రామానికి చెందిన ఆరుగురు ఉపాధ్యాయ పోస్టులు సాధించారు. వారిలో మారెళ్ల రజిత, మోహన్ కుమార్, ఎర్రమల రంగన్న, మాతిరెడ్డి భారతి, అనూష పీఈటీలుగా, సురేఖ ఎస్జీటీగా ఎంపికయ్యారు. సురేఖ కానిస్టేబుల్‌గా పనిచేస్తూనే ఉపాధ్యాయ ఉద్యోగం సాధించగా, రజిత ఏపీ-తెలంగాణ రెండింటిలోనూ పీఈటీగా ఎంపికై ప్రత్యేక గుర్తింపు తెచ్చుకున్నారు.