News August 30, 2025
2.2 లక్షల ఎకరాల్లో పంట నష్టం: అధికారులు
TG: భారీ వర్షాలు, వరదలకు రాష్ట్రంలో 2.2 లక్షల ఎకరాల్లో పంట నష్టం వాటిల్లినట్లు ప్రాథమిక అంచనా వేశామని వ్యవసాయ శాఖ అధికారులు తెలిపారు. అత్యధికంగా కామారెడ్డిలో 77వేల ఎకరాలు, మెదక్‌లో 23వేలు, ADBలో 21 వేలు, NZBలో 18వేలు, ఆసిఫాబాద్‌లో 15వేల ఎకరాల్లో పంట నష్టపోయినట్లు వెల్లడించారు. ఇందులో 1.09 ఎకరాల్లో వరి, 60,080 ఎకరాల్లో పత్తి, 6,751 ఎకరాల్లో సోయాబీన్ పంటలకు నష్టం వాటిల్లినట్లు పేర్కొన్నారు.
Similar News
News August 30, 2025
బుల్లెట్ ట్రైన్‌లో మోదీ ప్రయాణం
జపాన్ పర్యటనలో ప్రధాని మోదీ బుల్లెట్ ట్రైన్‌లో ప్రయాణించారు. ఆ దేశ ప్రధాని షిగెరు ఇషిబాతో కలిసి మోదీ ప్రయాణం చేశారు. ఈ సందర్భంగా బుల్లెట్ ట్రైన్ విశేషాలను మోదీకి ఇషిబా వివరించారు. అంతకుముందు ప్రధాని జపాన్ గవర్నర్లతో టోక్యోలో సమావేశం అయ్యారు. ఇరుదేశాల స్నేహానికి రాష్ట్రాల సహకారం ఎంతో అవసరమని వ్యాఖ్యానించారు.
News August 30, 2025
అల్లు అర్జున్ ఇంట్లో విషాదం
అల్లు అర్జున్ ఇంట్లో విషాదం నెలకొంది. ఆయన నానమ్మ, అల్లు అరవింద్ తల్లి, అల్లు రామలింగయ్య భార్య కనకరత్నం(94) ఇవాళ అర్ధరాత్రి దాటాక 1.45 గంటలకు వృద్ధాప్య సమస్యలతో కన్నుమూశారు. విషయం తెలియడంతో బన్నీ ముంబై నుంచి HYDకు బయల్దేరారు. ఆమె చిరంజీవికి అత్త కాగా రామ్‌చరణ్‌కు అమ్మమ్మ. దీంతో మైసూరులో ఉన్న చెర్రీ HYDకు వస్తున్నారు. ఇవాళ మధ్యాహ్నం కోకాపేటలో కనకరత్నం అంత్యక్రియలు జరగనున్నాయి.
News August 30, 2025
ఏపీకి వస్తున్నాం.. IBM ప్రకటన
AP: అమరావతిలో క్వాంటమ్ వ్యాలీ టెక్‌పార్క్‌లో క్వాంటమ్ కంప్యూటర్ సెంటర్ పెడుతున్నట్లు దిగ్గజ IT సంస్థ IBM ప్రకటించింది. 2026 మార్చి నాటికి దీనిని ప్రారంభించనున్నట్లు సంస్థ ప్రతినిధి క్రౌడర్ ప్రకటించారు. క్వాంటమ్ కంప్యూటింగ్‌లో భారత్ బలమైన శక్తిగా ఎదుగుతుందని, భవిష్యత్తులో ఈ రంగంపై ఎక్కువ పరిశోధనలు చేయాలని ఆయన అన్నారు. ప్రస్తుతం USA, జపాన్, కెనడా, ద.కొరియాలో IBM క్వాంటమ్ కంప్యూటర్ సెంటర్లు ఉన్నాయి.