News August 30, 2025

పెరుగుతున్న గోదావరి..మొదటి ప్రమాద హెచ్చరిక జారీ

భద్రాచలం వద్ద గోదావరిలో మొదటి ప్రమాద హెచ్చరిక జారీ అయింది. నదిలో నీటిమట్టం పెరుగుతుండటంతో కలెక్టర్ వెట్రి సెల్వి అధికారులను అప్రమత్తం చేశారు. గోదావరి పరివాహక ప్రాంతాల ప్రజలు అప్రమత్తంగా ఉండాలని, వాగులు, కాలువలు దాటడం, చేపల వేటకు వెళ్లడం వంటివి చేయవద్దని సూచించారు. రెండవ ప్రమాద హెచ్చరికకు ముందు ముంపు ప్రాంతాల ప్రజలను పునరావాస కేంద్రాలకు తరలించాలని కలెక్టర్ అధికారులను ఆదేశించారు.