News August 30, 2025
పరిటాల రవి.. ఈ విషయం తెలుసా?
పరిటాల రవీంద్ర అందరికీ సుపరిచితుడిగా పేరు తెచ్చుకున్నారు. రాయలసీమ ఫ్యాక్షన్ రాజకీయాలకు కేంద్ర బిందువుగా నిలిచారు. 1958 ఆగస్టు 30న జన్మించిన ఆయన 1993 జూన్ 7న టీడీపీలో చేరారు. అప్పటి నుంచి సీమ రాజకీయాలు ఇంకో మలుపు తిరిగాయి. ఆ సమయంలో అరెస్టయిన ఆయన జైలు నుంచే నామినేషన్ దాఖలు వేశారు. అత్యధిక మెజార్టీతో గెలుపొంది ఎన్టీఆర్ మంత్రి వర్గంలో కార్మిక శాఖ మంత్రిగా బాధ్యతలు చేపట్టారు.
★ నేడు పరిటాల రవి జయంతి
Similar News
News August 30, 2025
న్యాయంపూడి జంక్షన్ వద్ద యాక్సిడెంట్
నక్కపల్లి మండలంలోని న్యాయంపూడి హైవే జంక్షన్ వద్ద శనివారం రాత్రి కొబ్బరిలోడు ట్రాక్టర్‌ను వెనుక నుంచి లారీ ఢీ కొట్టింది. ట్రాక్టర్ బోల్తా పడి ఎస్.రాయవరానికి చెందిన కర్రి వెంకట సూరి (45) అక్కడికక్కడే మృతి చెందాడని సీఐ కె.కుమారస్వామి చెప్పారు. మరో వ్యక్తి గాయపడగా ఆసుపత్రికి తరలించామన్నారు. కేసు నమోదు చేశామని సీఐ వెల్లడించారు.
News August 30, 2025
KMR: జిల్లాలో దెబ్బతిన్న ఇండ్లకు సాయం
కామారెడ్డి జిల్లాలో కురిసిన భారీ వర్షాల కారణంగా దెబ్బతిన్న ఇండ్ల వివరాలను అధికారులు సర్వే ద్వారా సేకరిస్తున్నారు. ఈ సర్వేలో భాగంగా ఇప్పటివరకు 234 పాక్షికంగా దెబ్బతిన్న ఇండ్లు, 1 పూర్తిగా కూలిపోయిన కచ్చా ఇంటికి ప్రభుత్వం సహాయనిధి మంజూరు చేసింది. మిగతా ఇండ్ల సర్వే పూర్తి చేసి, అర్హులైన వారికి కూడా త్వరలో సహాయం అందజేస్తామని జిల్లా కలెక్టర్ ఆశిష్ సాంగ్వాన్ చెప్పారు.
News August 30, 2025
Fortune పవర్‌ఫుల్ ఉమన్ – 2025 వీళ్లే
ప్రముఖ మ్యాగజైన్ ఫార్చున్ భారత వ్యాపార రంగంలో పవర్‌ఫుల్ ఉమన్ 2025 లిస్ట్ విడుదల చేసింది. ఇందులో FM నిర్మలా సీతారామన్, ముకేశ్ అంబానీ భార్య నీతా టాప్2లో ఉన్నారు. ఇక అపోలో ఫౌండర్ డా. ప్రతాప్ రెడ్డి కూతుళ్లు శోభన, సంగీత, ప్రీతా, సునీత (బిజినెస్ సర్కిల్‌లో రెడ్డి సిస్టర్స్ అంటారు) 3, HCL ఫౌండర్ శివ నాడార్ కూతురు రోష్ని నాడార్ 4, నెట్‌ఫ్లిక్స్ చీఫ్ కంటెంట్ ఆఫీసర్ బేలా బజారియా 5వ స్థానాల్లో నిలిచారు.