News August 30, 2025
కేసీఆర్ అసెంబ్లీకి రాకపోతే తప్పు ఒప్పుకున్నట్లే: కోమటిరెడ్డి
TG: రేపటి నుంచి అసెంబ్లీలో కాళేశ్వరం కమిషన్ నివేదికపై చర్చ జరుగుతుందని మంత్రి కోమటిరెడ్డి మీడియాతో చిట్‌చాట్‌లో వ్యాఖ్యానించారు. కాళేశ్వరంపై గొప్పగా చెప్పిన కేసీఆర్ అసెంబ్లీలో వివరణ ఇవ్వాలని, ఆయన రాకపోతే తప్పు ఒప్పుకున్నట్లేనని తెలిపారు. కమిషన్ నివేదికకు భయపడే KCR మళ్లీ కోర్టుకు వెళ్లారన్నారు. కాళేశ్వరంపై చర్చ జరగకుండా ఉండేందుకు యూరియా పేరుతో BRS రాజకీయం చేస్తోందని మంత్రి సీతక్క విమర్శించారు.
Similar News
News August 31, 2025
మంత్రి లోకేశ్‌కు మరో అరుదైన గౌరవం
AP: ఆస్ట్రేలియా ప్రభుత్వం నిర్వహించే స్పెషల్ విజిట్స్ ప్రోగ్రామ్‌(SVP)లో పాల్గొనాలని మంత్రి లోకేశ్‌కు ప్రత్యేక ఆహ్వానం అందింది. ఢిల్లీలోని AUS హైకమిషనర్ ఫిలిప్ గ్రీన్ ఈ లేఖను మంత్రికి పంపారు. మానవ వనరులు, సాంకేతిక, ఆర్థికాభివృద్ధి రంగాల్లో రాష్ట్ర నాయకత్వాన్ని ప్రశంసించారు. SVPలో ఆస్ట్రేలియా విద్యారంగ నిపుణులు, వ్యాపారవేత్తలతో సమావేశమై అభివృద్ధి ప్రాధాన్యతలు, పెట్టుబడులపై చర్చించే అవకాశం ఉంటుంది.
News August 31, 2025
రాజ్యాంగ సవరణే మార్గం: KTR
TG: BCలకు 42% రిజర్వేషన్ల అమలు బిల్లుపై KTR అసెంబ్లీలో కీలక వ్యాఖ్యలు చేశారు. ‘రిజర్వేషన్ల అమలుపై సుప్రీంకోర్టు 50% సీలింగ్ విధించింది. దీనిని అతిక్రమించే అధికారం కేంద్రం, రాష్ట్ర ప్రభుత్వాలకు లేదు. పార్లమెంట్‌లో రాజ్యాంగ సవరణ చేయడమే ఏకైక మార్గం. పార్లమెంట్‌లో BJP, INCకే మెజార్టీ ఉంది. BCలకు నిజంగా న్యాయం చేయాలనుకుంటే అసెంబ్లీలో కాదు. 9వ షెడ్యూల్‌లో చేరిస్తేనే పరిష్కారం లభిస్తుంది’ అని చెప్పారు.
News August 31, 2025
అప్పుడే స్థానిక సంస్థల ఎన్నికలకు నోటిఫికేషన్: వెంకట్‌రెడ్డి
TG: స్థానిక సంస్థల ఎన్నికలపై చిట్ చాట్‌లో మంత్రి కోమటిరెడ్డి వెంకట్‌రెడ్డి క్లారిటీ ఇచ్చారు. మొదట MPTC, ZPTC ఎన్నికలు జరుగుతాయని ఆయన స్పష్టం చేశారు. సెప్టెంబర్ 10 తర్వాత ఎలక్షన్స్ నోటిఫికేషన్ విడుదలవుతుందని తెలిపారు. సెప్టెంబర్ 30లోపే ఎన్నికలు పూర్తవుతాయని స్పష్టం చేశారు. ఇప్పటికే జడ్పీటీసీ, ఎంపీటీసీ <<17568780>>ఎన్నికల<<>> నిర్వహణ కోసం SEC ఓటర్ల ముసాయిదా షెడ్యూల్ విడుదల చేసిన విషయం తెలిసిందే.