News August 30, 2025
ఈ తప్పులు బ్రహ్మహత్యతో సమాన పాపం
బ్రాహ్మణ హత్య అత్యంత పాపమని పురాణాల్లో ఉంది. పుర (ఊరి) హితం కోరుకునే, ప్రజలు బాగుండాలని ఆశీర్వదించే పురోహితుడిని అంతమొందించడం భగవంతుడు ఎట్టిపరిస్థితుల్లో అంగీకరించడనేది దీని అర్థం. అయితే ఇంకొన్ని తప్పులు కూడా మనకు బ్రహ్మహత్యతో సమాన పాపాన్ని మూటగడతాయి. తల్లి బిడ్డలను విడదీసినా, దంపతులను వీడదీసినా, కథను చెబుతుంటే భంగం కలిగించినా, విశ్రాంతిలోని వ్యక్తి నిద్రకు అకారణంగా భంగం కలిగించినా మహాపాపం.
Similar News
News January 25, 2026
తిరుమల గిరుల్లో రథసప్తమి శోభ
AP: తిరుమలలో రథసప్తమి వేడుకలు అత్యంత వైభవంగా జరుగుతున్నాయి. తెల్లవారుజామున 5:30 గంటలకే మలయప్ప స్వామి ఉభయ దేవతలతో కలిసి సూర్యప్రభ వాహనంపై మాడ వీధుల్లో విహరిస్తూ భక్తులకు దర్శనమిచ్చారు. లక్షలాది మంది భక్తులు తరలిరావడంతో గ్యాలరీలు కిక్కిరిసిపోయాయి. శ్రీవారి నామస్మరణతో తిరుమల గిరులు మార్మోగుతున్నాయి. సాంస్కృతిక కార్యక్రమాలు ఆకట్టుకున్నాయి.
News January 25, 2026
పన్ను వసూళ్లలో ఎదురేలేదు..
ప్రభుత్వానికి పన్నుల రూపంలో వచ్చే ఆదాయం గణనీయంగా పెరుగుతోంది. ట్యాక్స్ వసూళ్ల విషయంలో హాంకాంగ్(13.1%), ఇండోనేషియా(13.1%), మలేషియా(12%)ను ఇండియా వెనక్కి నెట్టిందని బ్యాంక్ ఆఫ్ బరోడా నివేదికలో వెల్లడించింది. ‘దేశ ట్యాక్స్-GDP నిష్పత్తి 19.6%గా ఉంది. పన్ను ఎగవేతలకు అడ్డుకట్ట, GST, డిజిటల్ లావాదేవీలకు ప్రోత్సాహం వంటివి ఇందుకు కారణం. జర్మనీ-38%, అమెరికా-25.6%తో మెరుగ్గా ఉన్నాయి’ అని పేర్కొంది.
News January 25, 2026
తల్లిపాల విషయంలో ఈ అపోహలు వద్దు
పిల్లలకు తల్లిపాలు అమృతతుల్యం. అయితే అపోహలతో కొందరు పిల్లలకు సరిగా పాలు పట్టట్లేదంటున్నారు నిపుణులు. సరిపడా పాలు రావట్లేదని కొందరు ఫార్ములా మిల్క్ ఇస్తుంటారు. కానీ పిల్లల తరచూ పాలు ఇస్తుంటేనే పాలు ఎక్కువగా ఉత్పత్తవుతాయంటున్నారు. అలాగే ఫార్ములా మిల్క్ డైజెస్ట్ అవ్వడానికి ఎక్కువ సమయం పడుతుంది. తల్లిపాలలో ఇమ్యునిటీ, ఐక్యూ బెటర్గా ఉంటుంది కాబట్టి పిల్లలకు తల్లిపాలే ఉత్తమం అని చెబుతున్నారు.