News September 1, 2025
కడపలో ఎల్ఐసీ బీమా వారోత్సవాలు ప్రారంభం
కడప డివిజనల్ కార్యాలయంలో ఎల్ఐసీ బీమా వారోత్సవాలు లాంఛనంగా ప్రారంభమయ్యాయి. ఈ సందర్భంగా సీనియర్ డివిజనల్ మేనేజర్ రవికుమార్ మాట్లాడుతూ.. ఎల్ఐసీ దేశంలోనే బీమా రంగంలో 65.81 శాతం వాటాతో నంబర్ 1 స్థానంలో ఉందని, 99.98 శాతం డెత్ క్లెయిమ్‌లు చెల్లిస్తూ ప్రపంచ స్థాయిలో ముందంజలో ఉందని తెలిపారు. 2025 జనవరి 20న ఒకే రోజు 5,88,107 పాలసీలు సేకరించి గిన్నిస్ రికార్డు సాధించడం ఎల్ఐసీ గర్వకారణమని పేర్కొన్నారు.
Similar News
News November 11, 2025
కడప విమానాశ్రయంలో భద్రతా ఏర్పాట్లపై సమీక్ష
సీఎం చంద్రబాబు చిన్నమండెం పర్యటన నేపథ్యంలో కడప విమానాశ్రయంలో భద్రతా ఏర్పాట్లపై జిల్లా SP షెల్కే నచికేత్ విశ్వనాథ్ మంగళవారం సమీక్ష నిర్వహించారు. ఎయిర్‌పోర్ట్‌లో చేపట్టాల్సిన భద్రతా చర్యలపై అడ్వాన్స్ సెక్యూరిటీ లైజన్ (A.S.L) సమావేశం జరిగింది. ఈ సందర్భంగా SP పోలీసు శాఖతోపాటు ఇతర విభాగాల అధికారులకు కట్టుదిట్టమైన భద్రతా చర్యలు తీసుకోవాలని, అప్రమత్తంగా విధులు నిర్వర్తించాలని సూచించారు.
News November 10, 2025
కడప శ్రీ చైతన్యలో విద్యార్థిని ఆత్మహత్య
కడప శ్రీ చైతన్య బాలికల రెసిడెన్షియల్ స్కూల్లో తొమ్మిదో తరగతి బాలిక జస్వంతి ఉరి వేసుకొని ఆత్మహత్య చేసుకుంది. విద్యార్థిని పులివెందుల వాసిగా సమాచారం. విషయం తెలుసుకున్న పోలీసులు ఘటనా స్థలానికి చేరుకొని విచారిస్తున్నారు. మరిన్ని వివరాలు తెలియాల్సి ఉంది.
News November 10, 2025
ఎర్రగుంట్లలోని ఆలయంలో హీరో సుమన్ సందడి
ఎర్రగుంట్ల (M) కలమల్ల గ్రామంలోని చెన్నకేశవ స్వామి ఆలయంలో సినీ హీరో సుమన్ సందడి చేశారు. అక్కడ ఉన్న పురాతన తొలి తెలుగు శాసనాన్ని పరిశీలించారు. తెలుగు శాసనాన్ని కట్టుదిట్టంగా ఏర్పాటు చేయడానికి తనవంతు కృషి చేస్తానన్నారు. ఆయన వెంట ఆలయాధికారులు, అర్చకులు, సిబ్బంది పాల్గొన్నారు.