News April 3, 2024
స్కూళ్లకు సెలవులు.. మరో కీలక ఆదేశం
AP: ఈ నెల 24 నుంచి స్కూళ్లకు వేసవి సెలవులు ఇస్తున్నట్లు ప్రకటించిన విద్యాశాఖ.. ఫైనల్ పరీక్షలపై కీలక ఆదేశాలు జారీ చేసింది. ఒకటి నుంచి 9వ తరగతి విద్యార్థులకు ఈ నెల 6వ తేదీ నుంచి 19వ తేదీ వరకు వార్షిక పరీక్షలు నిర్వహించాలని ఆదేశించింది. రెండు రోజుల్లో మూల్యాంకనం పూర్తి చేసి ఏప్రిల్ 23న ఫలితాలను ప్రకటించి విద్యార్థులకు ప్రోగ్రెస్ కార్డులు అందించాలని ఆదేశాల్లో పేర్కొంది. జూన్ 11 వరకు సెలవులు ఉంటాయి.
Similar News
News January 6, 2025
ఘోరం.. పిల్లలకు విషమిచ్చి పేరెంట్స్ ఆత్మహత్య
బెంగళూరులో తీవ్ర విషాదం చోటుచేసుకుంది. ఓ సాఫ్ట్‌వేర్ ఇంజినీర్, అతని భార్య తమ ఇద్దరు పిల్లలకు విషమిచ్చి చంపేసి తామూ ఆత్మహత్య చేసుకున్నారు. మృతులను అనూప్ కుమార్(38), రాఖీ(35), అనుప్రియ(5), ప్రియాంశ్(2)గా గుర్తించారు. వీరి స్వస్థలం యూపీలోని ప్రయాగ్ రాజ్ అని పోలీసులు తెలిపారు. తీవ్ర ఆర్థిక సమస్యలతోనే సూసైడ్ చేసుకున్నట్లు భావిస్తున్నామన్నారు. కేసు నమోదు చేసి దర్యాప్తు ప్రారంభించినట్లు చెప్పారు.
News January 6, 2025
రెండు గ్రామాల మధ్య ‘దున్నపోతు’ పంచాయితీ
AP: దేవర దున్నపోతు కోసం అనంతపురం(D)లోని 2 గ్రామాల మధ్య వివాదం రాజుకుంది. కూడేరు(M) ముద్దలాపురం, కదరగుంటలో దేవర నిర్వహణకు ఇరు గ్రామాల ప్రజలు నిర్ణయించారు. బలి ఇవ్వడానికి చెరో దున్నపోతును ఎంపిక చేశారు. అయితే గ్రామంలోకి వచ్చిన దున్నపోతును కదరగుంట వాసులు బంధించగా, అది తమదేనని ముద్దలాపురం ప్రజలు వాదిస్తున్నారు. గొడవలు జరిగే అవకాశం ఉండటంతో పోలీసులు బందోబస్తు ఏర్పాటుచేశారు. ఈ వ్యవహారం SP వరకు వెళ్లింది.
News January 6, 2025
ఆరాంఘర్ ఫ్లైఓవర్‌ను ప్రారంభించిన సీఎం
TG: ఆరాంఘర్-జూపార్క్ ఫ్లై ఓవర్‌ను సీఎం రేవంత్ రెడ్డి ప్రారంభించారు. 6 లేన్లతో కూడిన 4.08KM పొడవైన ఈ ఫ్లై ఓవర్‌ను రూ.799 కోట్ల వ్యయంతో నిర్మించారు. దీంతో మహబూబ్ నగర్, బెంగళూరు, కర్నూలు వెళ్లేవారికి ట్రాఫిక్ సమస్యలు తీరనున్నాయి. హైదరాబాద్‌లోనే ఇది రెండో అతిపెద్ద ఫ్లై ఓవర్ కావడం గమనార్హం.